Daily Archives: நவம்பர் 4, 2008

'Ballot Measures' அல்லது குடிமக்கள் குடவோலை

Posted on நவம்பர் 4, 2008 | 4 பின்னூட்டங்கள்

அமெரிக்க தேர்தலில் கவனிக்கத்தக்க ஒரு அம்சமாக இருப்பது Ballot Measures என வழங்கப்படும் தேர்தல் மூலம் சட்டங்களை உருவாக்கும் முறை. வாக்குச் சீட்டில் வெறும் வேட்பாளர்களின் பெயர்கள் மட்டுமன்றி அந்த மகாணத்தில் சில புதிய சட்டங்களை உருவாக்குவதில் வாக்காளர்களுக்கு விருப்பு மறுப்புகளை தெரிவிக்க வசதி செய்யப்படும். பெரும்பான்மை ஆதரவு வாக்குகளைப் பெற்றவை சட்டமாக இயற்றப்படும்.

2008 தேர்தலில் 33 மகாணங்கள் மொத்தம் 150 சட்டங்களை தேர்தல் முறையில் நிறைவேற்றும் முயற்சியில் இறங்கியுள்ளன. கருக்கலைப்பு, இட ஒதுக்கீடு, ஓரினத் திருமணங்கள், விலங்கு உரிமைகள் என சில முக்கிய சமூகப் பிரச்சனைகளை ஒட்டி உருவாகும் பல சட்டங்களும் இதில் அடக்கம்

குறிப்பிடத்தகுந்தவை சில…

கருக்கலைப்பு
காலராடோ மகாணத்தில் மனிதக் கரு உருவாகியதிலிருந்தே அதை ஒரு ஆளாகக்(Person) கருத வேண்டுமா இல்லையா எனும் கேள்வி வாக்கெடுப்புக்கு வந்துள்ளது. ஆம் என அதிகம்பேர் வாக்களித்தால் கருக்கலைப்பு கொலைக் குற்றத்துக்கு சமமானதாக கருதப்படலாம்.

சவுத் டக்கோட்டா மகாணத்தில் தற்போது 24வாரங்கலாகிய கருவை கலைக்கும் உரிமை உள்ளது. அதை நீக்கி முற்றிலும் கருக்கலைப்பை ஒழிக்கும் சட்டத்துக்கு வாக்கெடுப்பு நடைபெறுகிறது.

கலிஃபோர்னியாவில் கருக்கலைப்பை பெற விரும்பும் மைனர்களின் பெற்றோருக்கு தகவல் வழங்குவதை கட்டாயமாக்கும் சட்டம் வாக்கெடுப்பில் உள்ளது.

இட ஒதுக்கீடு
அமெரிக்காவில் Affirmative Action என வழங்கப்படும் பெண்கள் உட்பட்ட சிறுபான்மையிருக்கான இட ஒதுக்கீட்டு சட்டம் உள்ளது. அரசு வேலைகளை வழங்குவதில் இதை தொடர வேண்டுமா வேண்டாமா எனும் கேள்வி காலராடோவிலும் , நெபராஸ்கா மகாணத்திலும் முன்வைக்கப்பட்டுள்ளது.

குடியுரிமை
குடியுரிமை அல்லாதவர்களுக்கும், சட்டபூர்வ அனுமதி பெறாதவர்களுக்கும் தெரிந்தோ தெரியாமலோ வேலை வழங்குவதை தடுக்கும் சட்டம் அரிசோனா மகாணத்தில் வாக்கெடுக்குப்பு விடப்பட்டுள்ளது. கலிஃபோர்னியா தன் குடியுரிமை சட்டத்தில் பல மாற்றங்களை அறிமுகப்படுத்த வாக்காலர்களின் சம்மதத்தை கேட்கிறது. மிசௌரி மகாணத்தில் ஆங்கிலத்தை மாநில அதிகாரபூர்வ மொழியாக்கும் அரசியலமைப்பு சட்ட திருத்தத்திற்கு சம்மதம் கேட்கிறது. ஆரகான்(Oregon) மகாணத்து அரசு பள்ளிகளில் இரண்டு ஆண்டுகளுக்கு மேல் ஒரு மாணவருக்கு ஆங்கிலமல்லாத மொழியில் பயிற்றுவிப்பதை தடை செய்யும் சட்டம் வாக்கெடுப்பில் உள்ளது.

ஓரினத் திருமணங்கள்
தற்பால் அல்லது ஓரினத் திருமணங்களை அங்கீகரிக்கும் அல்லது நிராகரிக்கும் முடிவை அரிசோனா, கலிஃபோர்னியா , ஃப்ளோரிடா மகாணங்கள் முன்வைத்துள்ளன. ஆர்கன்சாஸ் மகாணத்தில் தற்பால் ஈர்ப்புடையவர்களோ அல்லது திருமணத்திற்கப்பால் சேர்ந்து வாழும் தம்பதிகளோ தத்தெடுப்பதை தடுக்கும்/அனுமதிக்கும் சட்டம் வாக்கெடுப்பில் உள்ளது.

எரிசக்தி
கலிஃபோர்னியாவில் அரசின் ஆலைகள் மீள்பயன்(Renewable) எரிசக்தி உற்பத்தியை 2020க்குள் 40%மாகவும் 2025க்குள் 50%மாகவும் உயர்த்தும் சட்டமும், மாற்று எரிசக்தி பயன்பாட்டை அதிகரிக்க அரசு Bondகள் மூலம் நிதி திரட்டும் நடவடிக்கையும் வாக்கெடுப்பிலுள்ளன.

காலராடோவில் எண்ணை மற்றும் எரிவாய்வு (oil and gas) கம்பெனிகளுக்கு வரி உயர்த்தும் சட்டமும், மிசௌரியில் மீள்பயன் எரிபொருள் பயன்பாட்டை ஊக்குவிக்கும் சட்டமும் வாக்கெடுப்பில் உள்ளன.

பல மகாணங்களிலும் லாட்டரியை உருவாக்கவும், சூதாட்டங்களை தடை செய்யவும், கட்டுப்படுத்தவும் முறைப்பட்டுத்தவுமான சட்டங்கள் வாக்கெடுப்பின் மூலம் இயற்றப்படவுள்ளன.

தேர்தல் முறைகளை சரிசெய்வது, தேர்தல் பிரச்சாரத்துக்கு அரசு நிதி வழங்குவதை முறைப்படுத்துவது, ஸ்டெம் செல் ஆராய்ச்சியை அனுமதிப்பது , கண்ணியமான முறையில் மரண தண்டனையை நிறைவேற்றுவது என பல விதமான சட்டங்களும் மக்களின் முடிவுக்கு விடப்படுகிறது.

கலிஃபோர்னியா மகாணம் உணவுக்காக வளர்க்கப்படும் விலங்குகளை குறுகிய கூண்டுகளில் அடைத்து வைப்பதை தடுக்கும் சட்டம் ஒன்றை வாக்கெடுப்பில் விட்டிருக்கிறது.

இந்த சட்டங்கள் இயற்றப்படுவதை ஆதரித்தும் எதிர்த்தும் பல தன்னார்வ அமைப்புகளும் பிரச்சாரங்களில் இறங்குவதுண்டு.

வாக்கெடுப்பின் மூலம் சட்டம் இயற்றுவது பல நாடுகளிலும் இருந்துவரும் பழக்கமாகும்.

பி.கு
Ballot Measures என்பதை தமிழில் எப்படிச் சொல்வது என்ற என் வெகுளியான கேள்விக்கு கீழ்கண்ட மிரட்டலான பதில்களை தந்து உதவியவர் பாஸ்டன் பாலா…

வாக்காளர் நடவடிக்கை
வாக்குரை உறை
குடிமக்கள் குடவோலை
வாக்குநீதி
மக்கள் முடிவு
மக்கள் மன்றம்
ஓட்டுக் கருத்து

மேலும் படிக்க: http://en.wikipedia.org/wiki/Ballot_measures, http://www.ncsl.org/statevote/2008_ballot_update.htm

4 பின்னூட்டங்கள்

Posted in செய்தி, தகவல், பொது

குறிச்சொல்லிடப்பட்டது

சினிமாப் படங்களும் வாக்குப்பெட்டியும்

Posted on நவம்பர் 4, 2008 | பின்னூட்டமொன்றை இடுக

பின்னூட்டமொன்றை இடுக

Posted in பொது, வாக்களிப்பு

குறிச்சொல்லிடப்பட்டது , , , , , , , , , , , , , , , , , , , ,

வட கரோலினா வாக்குச்சீட்டு: குளறுபடியா?

Posted on நவம்பர் 4, 2008 | 4 பின்னூட்டங்கள்

பதிவர் வாசன் ஓட்டு போட்ட: வாக்குசீட்டு

எட்டாண்டுகளுக்கு முன்பு ஆல் கோருக்கு வாக்களித்தால் ஜார்ஜ் புஷ்ஷுக்கு செல்லுமாறு கோடு போட்ட ஃப்ளோரிடா வாக்குச்சீட்டு வெகு பிரபலம். இவ்வளவு காலம் கழிந்தும் வடக்கு கரோலினா அது போன்ற குழப்பமான வாக்குச்சீட்டுகளை வடிவமைத்திருகிறது.

ஜனாதிபதி தேர்தல், மேல்சபை தேர்தல், எம்.பி. தேர்தல், எம்.எல்.ஏ. தேர்தல், நீதியரசர் தேர்தல் என்று ஒவ்வொன்றாக வாக்களித்துக் கொண்டிராமல் சட்டு புட்டென்று ‘என்னுடைய வாக்கு குடியரசுக் கட்சி‘க்கு என்று முத்திரை குத்துமாறு வாக்குச்சீட்டுகளை அமைப்பது வழக்கம்.

அதே போல்தான் வட கரோலினாவும் தன்னுடைய வாக்குச்சீட்டை நிர்ணயித்துள்ளது.

ஆனால், இந்த மாதிரி குடியரசு/ஜனநாயகம் என்று சொன்ன பின்னும், அதிபர் தேர்தலில் தனியாக இன்னொரு தடவை ஓட்டு போட வேண்டும். இல்லையென்றால், உங்கள் வாக்கு செல்லாது என்பதுதான் ஆன்டி க்ளைமாக்ஸ்.

‘ஒரு தடவை போட்டால் போதுங்க’ என்று சொல்லிவிட்டு, ‘இன்னொரு தடவை குத்தாவிட்டால் உங்க வாக்கு செல்லாதுங்க’ என்று சொல்லும் முன்னுக்குப் பின் முரணான அணுகுமுறை பல செல்லாத வாக்குகளை வரவழைக்கும் என்று எதிர்பார்க்கிறார்கள்.

முழுவதும் வாசிக்க: Editorial – This Year’s Butterfly Ballot – NYTimes.com: North Carolina’s ballot design is already causing confusion with early voters. If the presidential race is close, it could change the outcome.

மேலும் விவரங்களுக்கு:
1. How Bad is North Carolina’s Ballot Flaw? The Numbers Say, Pretty Bad: Brennan Center for Justice

2. Facing South: Voting Rights Watch: Could confusing ballots swing the presidential election in NC?

3. How Design Can Save Democracy: Interactive Graphic – NYTimes.com: “On Nov. 4, most ballots will repeat design mistakes made in previous elections. Many of these errors are avoidable. This year, the United States Election Assistance Commission released ballot design guidelines. Using these guidelines, we at AIGA developed this feature to identify common design problems and offer improvements”

4 பின்னூட்டங்கள்

Posted in தகவல், துணுக்கு, பொது, வாக்களிப்பு

குறிச்சொல்லிடப்பட்டது , , , , , , , , , , , ,

காளியைக் கண்டு குளிர்வாய் மனமே

Posted on நவம்பர் 4, 2008 | பின்னூட்டமொன்றை இடுக

செய்தி: Supermodel poses as goddess Kali, sparks a row

விழியம்: Video: Inside Goddess Heidi Klum's Halloween Party! at The Insider

புகைப்படங்கள்: Heidi Klum’s Halloween Costume Kicks Ass

பின்னூட்டமொன்றை இடுக

Posted in Cinema, Movies

குறிச்சொல்லிடப்பட்டது , , , , , , , , , , , , , , , , , , , , , , ,

போடுங்கம்மா வோட்டு!

Posted on நவம்பர் 4, 2008 | பின்னூட்டமொன்றை இடுக

வாக்கு போட்டாச்சா?

நன்றி: GOOD » Project 001: If You Can Read This…»

பின்னூட்டமொன்றை இடுக

Posted in பொது, வாக்களிப்பு, விளம்பரம்

குறிச்சொல்லிடப்பட்டது , , , , , , , ,

அடுத்தாத்து ஆல்பர்ட் – மூக்கு சுந்தர்

Posted on நவம்பர் 4, 2008 | 4 பின்னூட்டங்கள்

* ஒபாமாவுக்கு கருத்துக்கணிப்பில் இருக்கும் இதே அளவு செல்வாக்கு வேறு ஒரு வெள்ளை இனத்து ஜனநாயகக்கட்சி அதிபர் வேட்பாளருக்கு இருந்திருந்தால் தேர்தல் முடிந்தது என்று பலகாலம் முன்னரே முடிவுகட்டி இருப்பார்ர்கள். மெக்கெய்ன் ஆதரவாளர்கள் இன்னமும் துள்ளிக் கொண்டு இருப்பதற்கும், நம்பிக்கை இழக்காமல் பேசிக்கொண்டிருப்பதற்கும் ஒபாமவின் இன அடையாளமே காரணம்.

* இந்தத் தேர்தலில் கட்சி சார்புள்ளவர்களை விட கட்சி சார்பற்றவர்களே முடிவை தீர்மானிக்கும் காரணிகளாகிறார்கள். அடுத்ததாக இளைய தலைமுறையினர் மற்றும் – முதன் முறை ஓட்டளிப்பவர்கள்

* 2000 ம் வருடத் தேர்தலில் மெகெயின் குடியரசுக் கட்சி வேட்பாளாராக முன்மொழியப்பட்டிருந்தால் எதிர்த்த எந்த ஜனநாயகக்கட்சி வேட்பாளரையும் கபளீகரம் செய்திருக்கும் அளவிற்கு தனிப்பட்ட செல்வாக்கு உடையவர்.

தவறான நேரத்தில் முன்மொழியப்பட்டிருக்கும் சரியான நபர் அவர். பாவம்.. !!

* ஒபாமா லேசுப்பட்ட ஆள் அல்ல. அட்டகாசமான EQ உள்ள பக்கா அரசியல்வாதி. அவருடைய நிர்வாகத்திறமை என்ன என்பதை காலம்தான் சொல்லும். தெரியாத பிசாசே மேல் என்று எடுக்கப்படும் முடிவே அவர் பெறப்போகும் அதிபர் பதவி.

* காலகாலமாக போரில் அசகாயம் புரிந்தவர்களை அரியணை ஏற்றும் நாடு அமெரிக்கா. பனிப்போருக்கு முந்தைய அமெரிக்க அரசின் ராணுவ நடவடிக்கைகளுடன் எச்சரிக்கை கலந்த செயல்பாடுகளும் இருந்தன. காரணம் சோவியத் அரசு. ஆனால் பனிப்போருக்கு பிந்தைய, ருஷ்யா சிதறுண்ட பிறகான காலகட்டத்திற்கு பிறகு, ராணுவ நடவடிக்கைகள் கேட்பார் இல்லை என்ற காரணத்தால் மிகுந்த அராஜகமான முறையில் மேற்கொள்ளப்பட்டன. இந் நிலையில் அமெரிக்க அதிபர், போரில் முனைப்பில்லாத/ விருப்பமில்லாத பேச்சு வார்த்தையில் அதிக நம்பிக்கை உள்ள ஒரு Diplomat ஆக இருப்பது அவசியமாகிறது.இந்த வட்டத்துக்குள் அட்டகாசமாக பொருந்தும் முகம் ஒபாமாவுக்கு

* எட்டுவருட புஷ் அரசின் தோல்வி அடைந்த பிடிவாத முகத்தை உலக அரங்கில் மாற்ற, மழுப்பலும் பசப்பலும் மிக்க அரசியல் முகம் தேவைப்படுகிறது. இதே முகம் உள்நாட்டு குழப்பங்களையும் சீர்செய்தால் வரலாறு படைக்கும் – கருப்பினத்தின் முதல் அதிபர் என்ற வரலாற்று மாற்றத்தோடு மெற்சொன்னதும் சேரும். ஆனால் ஒபாமாவினால் கருப்பர்களது இனரீதியிலான எண்ணங்களில் ஏற்படும் திருப்தி அளவுக்கு, அவர்களுக்கு ஆதரவான அவரது செயல்பாடுகளினால் வராது. கூடியவரை தன்னைப் பொதுவான அதிபராக காட்டிக் கொள்ள முயல்வதே நல்லது என்கிற இன்றைய அவரது என்ணம் பின்னும் தொடரும்

* சமயங்களில் சர்ச் பிரசங்கம் போல அமைந்துவிடும் ஒபாமாவின் உரை, மெகெயின் உடனான வாதப் பிரதிவாதங்களில் அடக்கமாக, கொஞ்சம் அலுப்பாகக் கூட இருந்தது. தான் ஒன்றும் பேசாமல் இருந்தாலே போதும், சர்ச்சைகளை தவிர்க்கலாம். உணர்ச்சிவசப்படுகிற , அங்க சேஷ்டைகளில் முகம் சுளிக்க வைக்கிற பெரியவர் பார்ப்பவர்களின் அதிருப்தியை சம்பாதிக்கும் வேலையை தானே பார்த்துக் கொள்வார் என்று அவர் நினைத்து இருக்கலாம். மொத்தத்தில் மூன்று டிபேட்டிலும் மெகெயின் தொற்றார். ஒபாமா அவரை ஜெயிக்கவில்லை.

* ஒபாமாவின் இனம், மதம், அவர் தொடர்புகள், அவருடைய அனுபவம், சம்பத்தப்பட்ட மெகெயின் கேள்விகள் எல்லாமே நெகடிவ் ஆயுதங்கள் என்று மீடியாவால் நிராகரிக்கப்பட்டதற்கு காலமே காரணம்.

மீடியாவின் செல்லப்பிள்ளைகளை மக்கள் நிராகரித்ததாக சரித்திரமே இல்லை- இத்துடன் அபரிமிதமான தேர்தல் நிதியும் சேர்ந்து விட ஒபாமாவின் தேர்தல் விளம்பர முயற்சிகள் வரலாறு காணாத வெற்றி – சம்யங்களில் திமுகவை ஞாபகப்படுத்துகிற தொண்டர் கட்டுமானம்.

* உள்ளூரில் திமுக/ அதிமுக போன்ற ப்ழுத்த பழங்களின் அமைப்புக்கு எதிராக விஜயகாந்துக்கு சாமரம் வீசும் நண்பர்கள் நியாயமாக சித்தாந்த ரீதியாக அதே எண்ண ஓட்டத்தின்படி புதியமுகமான பாரக்கிற்கு ஆதரவு அளித்திருக்க வேண்டும். என்னே அதிசயம். அவர்கள் ஆதரவு மெகெயினுக்குத்தான்.

விஜயகாந்துக்கு ஆதரவு அளிப்பது மு.க.வை எதிர்க்கவே என்பதும், . மெகெயினுக்கு ஆதரவு அளிப்பது லிபரலான ஒபாமாவை எதிர்க்கவே என்பதும் இந்த வலதுசாரி சிந்தனையாளர்களின் உலகளாவிய பார்வையாக இருக்கக்கூடும்.

* அதிகாரம் கைக்கு வந்தபிறகுதான் நிஜ ஒபாமா வெளிவருவார். அப்படி வராமல் போவது நம் அதிர்ஷ்டம் அல்லது என்னைப் பொன்றவர்களின் அபரிமிதமான எச்சரிக்கைக்கு தேவை இல்லாத உண்மையான நல்ல மனிதர் ஒபாமா.

* நவம்பர் நாலுக்காக உலகம் காத்திருக்கிறது. அமெரிக்கா ஒபாமாவுக்கு மகுடம் சூடினால் அது “வெள்ளை இனத்தவர்கள் இன அழுக்குகள் இல்லாது காலத்திற்கு தேவைப்பட்ட முடிவை எடுத்தார்கள்” என்பதற்காக உலகமே மனந்திறந்து அமெரிக்கர்களை தலையில் துக்கி வைத்து வைத்துக் கொண்டாடும் நாளாகி விடும்

பார்ப்போம்…!!!

– மூக்கு சுந்தர்

4 பின்னூட்டங்கள்

Posted in ஆப்ரிக்கன் அமெரிக்க, இனம், ஒபாமா, கருத்து, கறுப்பர், ஜனநாயகம், ஜார்ஜ் புஷ், மெக்கெய்ன்

குறிச்சொல்லிடப்பட்டது , , , , , , , , , , , , , , , ,

இன்று இரவு மெகயின் ஏன் ஜெயிக்கக் கூடும்?

Posted on நவம்பர் 4, 2008 | 7 பின்னூட்டங்கள்

முதலில் வீடியோ பார்த்துவிடவும்: (இறுதி வரை பார்க்கவும்)

அமெரிக்காவில் ஈகோ முக்கியம். தோல்வி என்பது அகராதியில் கூடாது. இராக்கில் பின்வாங்கும் ஒபாமாவுக்கு வாக்கா? அல்லது வெற்றித் திருமகன் ஜான் மெகயினா?

போரில் சிறைபிடிக்கப்பட்டாலும் உள்ளந்தளராத உத்தமர் மெகயின் என்பது முதற் காரணம்.

அடுத்த வீடியோவும் அமெரிக்கர்களின் மனவோட்டத்தை சொல்கிறது:

நீங்கள் சம்பாதிக்கும் ஓரணாவில் இருந்து அரையணாவைப் பிடுங்கி, பிச்சையெடுப்பவருக்கு தரும் ஒபாமாவுக்கு ஓட்டா? அள்ளது சோம்பேறிகளை உழைத்து சம்பாதித்து முன்னேறச் சொல்லும் ஜான் மெகயினா?

கிடைக்கிற சம்பளத்தை சுளையாக வீட்டுக்கு எடுத்துப் போக சொல்பவரா? ஈட்டிக்கடைகாரராக பாதி பிடுங்கிக் கொள்பவரா?

மெகயின் வருமான வரிவிலக்கு தருவார் என்பது இரண்டாவது காரணம்.

தொடர்புள்ள இடுகைகள்:

1. அசலாக சொன்ன பத்து காரணங்கள்: ஏன் மெகயின்?

2. அமெரிக்க தேர்தல் களம், பாஸ்கர் – உயிரோசை:

மெகைனின் திட்டத்தைப் பொறுத்த வரை கார்ப்பரேட் நிறுவனங்களின் வரியை 35% இல் இருந்து 25% குறைப்பது, புஷ் தற்காலிகமாக அறிமுகப்படுத்திய வரிக் குறைப்பை நிரந்தரமாக்குவது, முக்கியமாக அரசாங்கத்தின் செலவைக் குறைப்பது முதலானவை பிரதான அம்சங்கள். ஈராக்கில் உள்ள ராணுவத்தை இப்போதைக்கு, திரும்ப அழைக்க முடியாது என்ற நிலைப்பாட்டைக் கொண்டுள்ளார் மெகைன்.

7 பின்னூட்டங்கள்

Posted in ஒபாமா, கருத்து, குடியரசு, ஜனநாயகம், மெக்கெய்ன், வாக்களிப்பு

குறிச்சொல்லிடப்பட்டது , , , , , , , , , , , , , , , , , , , , , , , , , , ,

அமெரிக்க தேர்தல்: வெளியுறவுக் கொள்கை

Posted on நவம்பர் 4, 2008 | 1 மறுமொழி

ராஜேஷ் சந்திரா:

1. இராக்: ஒபாமா வந்தாலும் உடனடியாக வாபஸ் ஆரம்பித்துவிடுமா? அங்கு நிலை எப்படி இருக்கிறது? குர்துக்கள் தனி நாடாக்கிக் கொள்வார்களா? மெகயின் அதிபரானால் ஒபாமாவின் நிலையில் இருந்து எவ்வாறு சூழல் மாறுபடும்? ஆருடம் ப்ளீஸ்!

1a) ஒபமா வந்தால் : வாபஸ் ஆரம்பிக்காது. பிரச்சாரத்தில் இதுவரை ஒபாமா தெளிவாகத் தன் நிலையை விளக்கவில்லை. விரைவில் வெளியேறுவோம் என முழங்கி தென் மாகாணங்களை அவர் இழக்கத் தயாராக இல்லை (முக்கியமாக இராணுவத் தலைமையை).

1983-ல் லெபனானை விட்டு வெளியெறுவதற்கு ஒரு குண்டு வெடிப்பு போதுமானதாக இருந்தது. இராக்கில் அது இயலாது. காரணம்: எண்ணை வளம். அருகாமையில் இரான். அமெரிக்கப் ப்டைகள் வெளியேறினால் நிச்சயம் அந்தப் பிராந்தியம் 1800-களுக்குச் செல்லும் வாய்ப்புகள் நிறைய. பிரிட்டன் இரண்டாம் உலகப் போருக்குப் பின் செய்தத் தவறை அமெரிக்கா செய்யாது. இப்பொதைக்கு அமெரிக்கா அங்கே ஆப்பசைத்தக் குரங்கு.

ஒபாமா என்ன செய்ய வேண்டும்: செனட்டில் இருப்பது வேறு, ஜனாதிபதியாக இருப்பது வேறு என்று ஒபாமாவிற்கு முதல் நாளே தெரிந்து விடும் (இதுவரை தெரியாமல் இருந்தால்). எனவே வறட்டு ‘ராம்போ’ வசனங்களை எல்லாம் மூட்டைக் கட்டி வைத்து விட்டு இராக்கிய மித வாதிகளைக் கண்டறிய வேண்டும். அவர்களை இராக் மக்களிடையே கொண்டு செல்ல வேண்டும்.

இராக் நாடு மதப்பிரிவுகளில் மிகுந்த அக்கறை காட்டும் நாடு. இதனால் அனைத்துப் பிரிவினரயும் உள்ளடக்கிய ஒரு குழு பதவியில் இல்லாமல் மக்களை அணுக வேண்டும். தேவைப்பட்டால், முக்தாதா அல் சதர் போன்ற உக்கிரமான மதத் தலைவர்களையும் அந்தக் குழுவில் இடம் பெறச் செய்யவேண்டும். வரும் வன்முறைகளுக்கு அந்த மதத் தலைவர்கள் பொறுப்பு என சுட்ட வேண்டும். இதையும் மீறி அந்த மதத் தலைவர்களின் ஆட்கள் வன்முறையில் இறங்கினால் மக்களே புறக்கணிப்பார்கள். இவை அனைத்தும் பின்புலத்தில் நடக்க வேண்டும்.

தற்போதைய அரசாங்கம் சதாமிற்கு ஒரு மாற்றுதானே தவிர மக்கள் இன்னும் அதை ‘வரதராஜ பெருமாள்’ அரசாகத்தான் பார்க்கிறார்கள்.

அமெரிக்க அரசாங்கம் (அரசியல் செயல்களில்) முண்ணனியில் இருப்பதாகக் காண்பித்துக் கொண்டால் பிரிவினை/தீவிர வாதிகள் நிச்சயம் விரும்பமாட்டார்கள். இதன் பின் அமெரிக்கத் துருப்புகள் விலகல் ஆரம்பித்தால் நல்லது. நிச்சயம் இன்னும் இரண்டு வருடங்களாவது ஆகும்.

1b) அங்குள்ள நிலை: சதாம் இருந்த வரை செய்திகள் கசிந்தன. இப்போதைய அரசில் (?!) வெளி வருகின்றன. மற்றபடி ஆட்சி முறை அப்ப்டியே தான் இருக்கிறது. ஷியா, சுன்னி பிரிவினரிடயே ‘அமெரிக்கா எப்போ ஒதுங்குவான், நம்ம அடித்துக்கொண்டு சாகலாம்’ என்று காத்திருக்கிறார்கள். ஆட்சியாளர்கள் ‘இதெல்லாம் இருக்கட்டும், வடக்கே குர்துக்களின் தலையை எப்படி எடுக்கலாம்’ என்று யோசித்துக் கொண்டிருக்கிறார்கள்.

மற்றபடி, பணத்துக்கு விலை போதல், இரு குழுக்களிடையே மோதல் உண்டாக்கி குளிர் காய்தல், வருங்காலத்தைப் பற்றி யோசிக்காமல் முட்டாள்களாகவே இருத்தல் என்ற typical அராபிய ஆட்சி முறை ஜோராக நடக்கிறது.

1c) குர்துக்கள் தனிநாடு பெறுவது இராக்கை விட துருக்கியின் கைகளில் தான் இருக்கிறது. துருக்கி இராணுவம் பலமானது (மற்ற அரபு நாடுகளோடு ஒப்பிடும் போது). இவர்களை மீறி வடக்கே இராக்கில் மட்டும் குர்துக்கள் தனி நாடு பெற முடியாது. துருக்கி நேட்டோவில் இருப்பதால் மேற்கத்திய வல்லரசுகள் சும்மா முனகிவிட்டு பேசாமல் போய்விடும்.

காஷ்மீரைப் போன்றது இந்தப் பிரச்சினை.

1d) மெக்கெய்ன் அதிபரானால்: ஆரம்பத்தில் மெக்கய்னிடம் இருந்த நம்பிக்கை போகப் போக நீர்த்து விட்டது. இராக் பிரச்சினக்கு, இவர் ஆட்சிக்கு வருவதும், டிக் செய்னி வருவதும் ஒன்றுதான். இயல்பாகவே மெக்கெய்ன் இராணுவ வீரர். இவரால் விட்டுக் கொடுத்து தொலை நோக்குப் பார்வையோடு இராக் மிதவாதத் தலைவர்களை அணுக முடியாது,

2. Africom: ஆப்பிரிக்காவில் மூக்கை நுழைப்பது ஜெர்மனி/ஜப்பானில் இருக்கும் நிரந்தர அமெரிக்க படை போல் சாதுவாக சமாதானமாக அமையுமா? அல்லது சவூதியில் புகுந்த அமீனாவாக இன்னும் சில குவைத்களையும் இராக்குகளையும் குட்டி போட்டு குழப்பத்திற்கு இட்டு செல்லுமா?

மத்தியக் கிழக்கு நாடுகளில் பட்ட சூட்டில் ஆப்பிர்க்காவில் அமெரிக்கா சர்வ ஜாக்கிரதையாகத்தான் இருப்பதாகக் கருதுகிறேன் (இதைப் பற்றி சொற்பமாகப் படித்த வரையில்). சொமாலியா மற்றும் சூடான் தவிர்த்து மிகப் பெரியப் பிரச்சினை இதுவரை இல்லை. எகிப்து அமெரிக்காவின் செல்லப் பிள்ளை.

லிபியா, சதாமுக்கு நடந்த மண்டகப்படியில் அரண்டுப் போய் கிடக்கிறது. மற்ற ஆப்பிரிக்க மக்கள் தங்களின் அன்றாடத் தேவைகளிலும் தங்கள் இனத்திலேயே அடைந்துக் கிடப்பதாலும், அமெரிக்காவைப் பற்றி கவலைக் கொள்ளவில்லை.

3. லெபனான், பாலஸ்தீனம்: சுதந்திரம், விடுதலை போன்றவை ஹெஸ்பொல்லா, ஹமாஸ் என்று மொழியாக்கப்பட்ட நிலையை அமெரிக்கா தோற்றுவித்திருக்கிறது. நல்லதா/கெட்டதா? அடுத்து எங்கே ராஜா கவிழ்ந்து மக்கள் ராச்சியம் உதிக்கும்? உதிக்க வேண்டுமா?

1 பின்னூட்டம்

Posted in உலகம், ஒபாமா, கருத்து, செவ்வி, மெக்கெய்ன்

குறிச்சொல்லிடப்பட்டது , , , , , , , , , , , , , , , , , , , , , , , , , , , , , , , , , , , , , , , , , , , ,

ஒபாமாவினால் பழசாகும் ஜோக்ஸ்

Posted on நவம்பர் 4, 2008 | 2 பின்னூட்டங்கள்
  • Today on Wall Street, there are only 2 positions:

“Cash”…and “Fetal”

  • Q. What’s the capital of Iceland?

A. About $3.50

  • “I went to buy a toaster — they threw in a free Bank!”
  • Q: In these busy market times, how can you get the attention of your broker?

A: Say, “Hey, waiter!”

  • Q. What do you call 12 investment bankers at the bottom of the ocean?

A. A good start.

  • Q. What’s the difference between an investment banker and a large pizza?

A. A large pizza can feed a family of four.

  • “This Financial Crisis is worse than a divorce. I’ve lost half my net worth and I still have a wife.”
  • “Get my broker, Miss Jones.”

“Yes sir. Stock, or Pawn?”

  • Q. How do you get a broker down from a tree?

A. Cut the rope.

  • Q: What’s the definition of optimism?

A: An investment banker who irons five shirts on a Sunday evening.

  • ”President Bush’s response to this economic crisis was to meet with some small business owners at a soda shop in San Antonio, Texas, this week”

”Well, the bad news? The small business owners are now General Motors, General Electric, and Century 21.”

  • What’s the difference between an investment banker and a pigeon?

A pigeon can still make a deposit on a Ferrari. Box: New Terms for the 2008 market

  • CEO –Chief Embezzlement Officer.
  • CFO– Corporate Fraud Officer.
  • BULL MARKET — A random market movement causing an investor to mistake himself for a financial genius.
  • BEAR MARKET — A 6 to 18 month period when the kids get no allowance, the wife gets no jewelry.
  • VALUE INVESTING — The art of buying low and selling lower.
  • P/E RATIO — The percentage of investors wetting their pants as the market keeps crashing.
  • BROKER — What my broker has made me.
  • STANDARD & POOR — Your life in a nutshell.
  • STOCK ANALYST — Idiot who just downgraded your stock.
  • STOCK SPLIT — When your ex-wife and her lawyer split your assets equally between themselves.
  • FINANCIAL PLANNER — A guy whose phone has been disconnected.
  • MARKET CORRECTION — The day after you buy stocks.
  • CASH FLOW– The movement your money makes as it disappears down the toilet.
  • YAHOO — What you yell after selling it to some poor sucker for $240 per share.
  • WINDOWS — What you jump out of when you’re the sucker who bought Yahoo @ $240 per share.
  • INSTITUTIONAL INVESTOR — Past year investor who’s now locked up in a nuthouse.
  • PROFIT — An archaic word no longer in use.

2 பின்னூட்டங்கள்

Posted in Quotes

குறிச்சொல்லிடப்பட்டது , , , , , , , , , , , , , ,