Category Archives: Uncategorized

அடப்பாவீ…..

நான் எல்லாம் அழியாத கோலங்கள் ‘நல்ல படம்’ என்று இரண்டு வார்த்தை சொல்வதோடு சரி. அமெரிக்க சிறுவன்… சாரி… பதினான்கு வயது டீனேஜர் கர்மவீரனாய் (இன்று காமராஜருக்கு ஹேப்பி பர்த்டே) செயலில் இறங்கி இருபத்தி மூன்று வயது டீச்சரை கணக்கும் செய்து விட்டான். தினபூமி ரேஞ்சுக்கு சி.என்.என்-ம் மற்ற ஊடகங்களும் பொறாமையோடு பாலகனை கண்டித்துள்ளார்கள். இதுவே, ஒரு ஆண் வாத்தியாரும், மாணவியும் மாட்டிக் கொண்டிருந்தால்….

எப்படியாக இருந்தாலும் அடப்பாவீ 😉

Homeland Security Spoof Seal for GW Bush 

Enron Scandal: Comple Indictment List by Business Week 

George W Bush in a Iraqi Style Most Wanted Card 

Lea Fastow – Business Week Factoid 

Homeland Security Fake Seal for GW Bush 

அரசியல் மாநாட்டை குறித்து நான் முதன்முதலில் கேள்விபட்டபோது பத்து வயதிருக்கலாம். இன்றைய முதல்வர் ஜெயலலிதாவுக்கு அன்றைய முதல்வர் ம்.கோ.ரா. வாள் ஒன்றைப் பரிசாகக் கொடுத்ததாக செய்தி சொன்னார்கள். சில வருடம் கழித்து தேர்தல் வந்தபோது, கபாலி கோவிலுக்கு செல்லும் வழியில் லவுட்ஸ்பீக்கர் சத்தம். மயிலை மாங்கொல்லையில் ஏதோ மீட்டிங் போல என்று போஸ்டர் பார்த்து கலைஞர் கருணாநிதி பேசப்போவதாக அறிந்து கொண்டேன். கொஞ்ச நாள் கழித்து, ஐஐடி நுழைவுத் தயாரிப்புக்காக வெங்கட்ரமணா ரோட்டின் ஒதுக்குப்புறத்தில் இருக்கும் பெண்கள் மேல்நிலைப் பள்ளியில் நடக்கும் வகுப்புக்கு செல்லும் +1 வயது. ராஜீவ் வருவதால், 12A பஸ் பாதியிலேயே திருப்பி விடப்பட்டதால், நாகாத்தம்மன் கோயில் நிறுத்தத்தில் இறங்கி, வெள்ளை அம்பாஸ்டர் கார்களும் ப்ரௌவுன் போலீஸ் ஜீப்புகளும் பறக்கும் அணிவகுப்பு நிகழ்த்தியதை வேடிக்கை பார்க்க முடிந்தது. அப்புறம் ஒரு பா.ம.க. மாநாடு. புதுக் கொடி, வித்தியாமான வாழ்க கோஷம் எல்லாம் ஆர்வத்துடன் எட்டிப் பார்க்க வைத்தது. பயணித்த 12B-யோ திருவல்லிக்கேணி, கோட்டூர்புரம், திருவான்மியூர் என்று நான் அதிகம் பார்த்திராத ஏரியாக்களை சுற்றிக் காட்டியபிறகு பனகல் பார்க் வந்து சேர்ந்தது. மறைமலை நகர் காங்கிரஸ் மாநாடு பேப்பரில் மட்டுமே கேள்விப்பட்ட கூட்டம். அதன் பிறகு பிலானிக்கு முரளி மனோஹர் ஜோஷி ரதம் செலுத்தி வந்தபோதும், நான் பாட்டுக்கு ‘சாஜன்’ பார்த்து புரியாமல் கஷ்டப்பட்டுக் கொண்டிருந்தேன். ஜெயலலிதா கோட்டை செல்வதற்காக பத்து மணி நேரம் போக்குவரத்தை நிறுத்துவது; என்றோ ஒரு நாள் ரஜினி இதற்குக் கோபப்பட்டு, வண்டியை விட்டு இறங்கி தம் அடித்தது என்று பத்திரிகையில் படித்ததோடு சரி.

இப்பொழுது மீண்டும் ஒரு மாநாடு. அந்த மாநாடு நடக்கும் இடத்திலிருந்து ஒரு பத்து மைல் தள்ளிதான் நான் வேலை பார்த்தாலும் ஊழ் வலியது. மஞ்சள், ஊதா, சிவப்பு, கருஞ்சிவப்பு, வெளிர்சிவப்பு, பச்சை, ஆரஞ்சு என்று விதவிதமாக எச்சரிக்கை விடுகிறார் ஒரு மந்திரி. (Def Con Alerts: Collect them All!) இன்னொருவரோ, ‘கேளடி கண்மணி’ அஞ்சுவாய் ‘ஏதோ தவறாய் நிகழ நேரிடலாம்’ என்று அச்சமாக இருக்கும்படி அறிக்கை மட்டும் விட்டு விடுகிறார். (The Seattle Times: Nation & World: Tom Ridge warns nation of impending attack).

பாஸ்டனில் சுதந்திர (டெமொக்ராடிக்) கட்சியின் மாநாடு. இரண்டு ஜான்களையும் அதிகாரபூர்வமாக அறிவிக்கும் கோலாகலங்கள். நியு யார்க்கில் குடியரசு கட்சியின் பரிந்துரைப்பு விழா. அங்கும் சில பல தெருக்கள் அடைக்கப்படுகின்றன. மாநாடு நடக்கும் மாடிஸன் வளாகம் அருகில் வசிப்பவர்கள், வீட்டை விட்டு வெளியே கால்வைக்கக் கூட தடை விதிக்கப் படலாம். ஆனாலும், பாஸ்டனில் கெடுபிடிகள் கொஞ்சம் அதிகம். அவற்றில் சில

எஸ்.வி. சேகர்: “கருணாநிதிக்கு ‘பசு’ என்றாலே பிடிக்காது? ஏன் தெரியுமா?”

“அது அம்மா… அம்மா… என்று குரல் கொடுக்குதே!”

-சமீபத்தில் அதிமுக-வில் சேர்ந்ததன் விளைவு.

பாராவின் பாராட்டு: “ஒரு மகிழ்ச்சியான செய்தி. கனடா கலை இலக்கியத் தோட்டம் – காலம் சிற்றிதழ் இணைந்து நடத்திய சிறுகதைப் போட்டியில் சொக்கனுக்கு முதல் பரிசு கிடைத்திருக்கிறது. (இலைகள் என்ற சிறுகதைக்காக.)”

இலைகளும் அதன் வேலையில் ஆழ்ந்திருக்கும் metaphor நன்கு புரிந்தது. அதே மாதிரி “கணினி”, “கார்”, “அலுவலக மேலதிகாரி”, “தொலைபேசி” என கதையில் வந்த மற்ற தற்கால பொருட்களுக்கு அல்லது “பீதி”, “உல்லாசப் பயணம்” போன்ற அனுபவங்களுக்கும் வேறு அடையாளங்கள் கொடுத்திருக்கலாம்.



அவன் அவளது தாடையைத் தொட்டு நிமிர்த்தினான், ‘நீ இந்த வீட்ல சந்தோஷமா இருக்கியா இல்லையா ?’ என்றான் நேரடியாய், ‘உண்மை எதுவானாலும் அதைத் தயங்காம சொல்லு, நான் உன்னை நல்லா வெச்சுகிட்டிருக்கேனா இல்லையா ? ‘அவள் ஆமோதிப்பாய்த் தலையாட்டினாள்,



மிகவும் ரசித்தேன். நல்ல யதார்த்தமான டயலாக்.



அதன் கரிய, சிறு துளைகளில் அவளது நினைவுகள் புகுந்து, வெளியேறி, அதேவேகத்தில் மறுதுளையில் நுழைந்து சிக்கலாகிக்கொண்டிருக்க, ஏதும் முடிவுசெய்யமுடியாதபடி நேரம் ஓடிக்கொண்டிருந்தது.



இங்கேதான் சொக்கர் நிற்கிறார்! சாரி… தெரிகிறார்.

Surprise எங்கே குரு? part-III வருதா? 🙂 இந்த முடிவுதான் expected ending ஆயிற்றே! இங்கே ஏதாவது வித்தியாசம் காட்டுங்களேன்.

அன்புடன்,

-பாலாஜி

பாஸ்டன்

வண்க்கம்பா,

பொறுமையா இந்தக் கதையைப் படிச்சுமுடிச்ச ஒரே மவராசன் நீதான் என்று தெரியுது 🙂 க்ளப்பில வேற யாரும் மூச்சு விடக்காணும் !

அதாகப்பட்டது, இந்தக் கதை மேஜிக்கல் ரியலிசம் அல்லது மாந்திரீக யதார்த்தவாதம் வகையைச் சார்ந்ததாக இருக்கலாம் – அப்படி நினைச்சுதான் எழுதினேன், அப்படி இல்லை-ன்னா என்னை அடிக்கக்கூடாது, நான் இதிலெல்லாம் கத்துக்குட்டியாக்கும் (ஹையா, இது எவ்ளோ பெரிய வசதி !!)

கதையில வர்ற பச்சை இலைங்களை workaholic தனத்தின் அடையாளம்-ன்னு வெச்சுகினு படிங்க, இப்ப பிரியுதா ? (அப்பவும் பிரியலைன்னா அது என்னோட குத்தம்தான் – கதையை நான் மறுபடி ஒழுங்கா எழுதணும்ன்னு அர்த்தம்!)

– லவணராயன்,

பெங்களூர்.

நாகா,

புரியற மாதிரியும் இருக்கு; புரியாத மாதிரியும் இருக்கு!

ஆரம்பத்திலே ஒழுங்காத்தான் கனெக்ஷன் கொடுத்துண்டு வந்தேன். முடிவு படிச்சப்புறம் மொத்தமா பிய்ச்சுக்க ஆரம்பிச்சுட்டேன்.

இன்னொரு வாட்டி விலாவாரியா படிச்சுட்டு நேரம் கிடைச்சா, ஏதாவது தோணிணா மறுபடி எழுதறேன்.

இந்த டெக்னிக் பேர் என்னபா? படா ஷோக்காக் கீது 🙂

என்றும் அன்புடன்,

-பாலாஜி

பாஸ்டன்

புகைப்படங்கள் மட்டும:

• Denali_Mountains
  

• mountain_valley
  

• Bear_glacier
  

• Glaciers_carving_the_mountains
  

• Scenic_Alaska
  

• Portage_Glacier
  

• More Glaciers
  

• Alaska – A grizzly hunted in 1988 in Anchorage airport
  

• Alaska – A polar bear hunted in 1972 in Anchorage airport
  

• Kenai_Glacier
  

• Chugach_National_Forest
  

• Aialik_glacier
  

• More pictures of the beautiful blue ice and melting glacier
  

• Train_Denali_Natl_Forest
  

• Wonder_Lake_Denali
  

• Valleys_and_gorges
  

• another View of Aialik glacier 2
  

• Aren’t u feeling cold after all these glacier pictures