Snap Judgment

‘ஒரு நாள் முதன் மந்திரியாக இருந்து பார்‘ என்பதுதான் tagline-ஆக தோன்றுகிறது.

எளிமையாக்குவதில் இயக்குநர் ஷங்கரை, மணி ரத்னத்தால் கூட விஞ்ச முடியாது. ‘தளபதி’ ரஜினியை விட ‘சிவாஜி’ பாஸ் நிஜத்தை பிரதிபலிப்பார் என்று எண்ணுகிறேன்.

பஸ் ஸ்டாப்பை விட்டு பேருந்து கொஞ்சம் தள்ளி நிறுத்தப்படும். இறங்க வேண்டியவர்கள் சடுதியில் விடுபட்டவுடன், டபுள் விசிலில் வேகம் பிடிக்கும்போது, ரன்னிங்கில் கல்லூரி மாணவர்கள் ஏறிவிடுவார்கள்.

ஏறும்போது தவறி விழுந்திருந்தால், நடத்துனருக்கும் ஓட்டுனருக்கும் சம்பளமில்லா விடுப்பு முதல் தேவையில்லாத ஊடக கவனிப்பு வரை எல்லாமும் அரங்கேறி அவர்கள் வாழ்க்கை தலைவலியாகும். அந்தக் கடுப்பை, பரிட்சைக்கு நேரமான மாணவர்களிடம் காட்டுவார்கள். சாதாரண கிண்டல், கைகலப்பாக மாறி விடும்.

யூனியன் சகாக்கள், தொழிலாளியை மதிக்காதவர்களுக்கு பாடம் கற்பிக்க எண்ணுகிறார்கள். பல்லவன் பேருந்துகள் அனைத்தும் ஆங்காங்கே நிறுத்தப்படும். மாநகர ஒண்டு குடித்தனத்தில் ஆட்டோ, ரிக்ஷா, பைக் என்று போர்ஷன்கள் நிரம்பிய ரோடு ஸ்தம்பித்துப் போய் விடுகிறது.

திருமண முகூர்த்தத்துக்கு செல்ல முடியாமல் தவிக்கிறாள் மணப்பெண். ஆம்புலன்ஸுக்கு நகர இடமில்லை. வேலைக்கான நேர்காணலுக்கு செல்ல முடியாமல் வாழ்க்கையையே இழக்கிறான். பிள்ளைத்தாச்சி முதல் பேட்டை ராப் உடன் பயணிக்கும் கடைசிப் பயணம் வரை எல்லாமே ஆங்காங்கே நிறுத்தப்படுகிறது. எல்லாவற்றிற்கும் மூலஸ்தானமான, கல்லூரித் தேர்வுக்கு தாமதமான மாணவன் அடிபட்டு அனாதையாக விழுந்து கிடக்கிறான்.

சென்னை போலீஸ் கமிஷனர் வருகிறார். மந்திரியை தொலைபேசியில் அணுகுகிறார். அரசு ஊழியரைப் பகைத்துக் கொள்ள விரும்பாத வழவழா அரசியல். மிகப் பெரிய ஓட்டு வங்கியான மாணவர் சமூகத்தையும் விரோதிக்க விரும்பவில்லை. ‘வேடிக்கை பார்’ என்று மேலிடக் கட்டளை.

ஹாண்ட்ஸ்-ஆன் மேலாண்மைக்கு எடுத்துக்காட்டான கமிஷனர், இன்ஸ்பெக்டரை விட்டு மாநகரப் பேருந்துகளை அப்புறப்படுத்த செயலில் இறங்குகிறார். தண்டவாளத்துக்குத் தலையை கொடுத்த தமிழன், உணர்ச்சி பொங்க டயருக்கு தலையை நீட்டுகிறான். சாதி பிரச்சினையாக விசுவரூபம எடுக்கிறது.

சென்னையே செக்மேட் ஆன சதுரங்க ஆட்டமாக செய்வதறியாது திகைக்கிறது. கவலையில்லாமல் குறுக்கெழுத்து போட்டுக் கொண்டிருக்கும் ஐயங்கார், வட்ட மேஜை மாநாடு போட்டு முடிவெடுக்க முடியாத அரசாங்கம், குழு உணர்வு மிதமிஞ்சிப் போன அமைப்புகள், நோக்கத்தை மறந்து ஈகோவை கொடி பிடிக்கும் மனங்கள், பொதுஜனங்களின் சிக்கல்கள் என்று சுருக்கமாகவும், நுணுக்கமாகவும் பதிவாக்கப்பட்டிருக்கிறது.

கட்டளை கேட்டு அடிபணிந்து நிறைவேற்றி கொண்டிராமல், தனி அலுவலருக்கு சுதந்திரமான பணியுரிமை வழங்கியிருந்தால் எளிதில் தீர்க்கப்பட்டிருக்கக் கூடிய பிரச்சினை. காலதாமதத்திற்கு பயந்து வரம்பு மீறிய மாணவரையும், சுமையான பேருந்தை நிறுத்தாமல் ஓட்டியவரையும் கைது செய்து, வதந்தியை கட்டுக்குள் வைத்திருந்தால், இவ்வளவு பெரிய சிக்கலாக உருமாறியிருக்காது என்று இப்போது தோன்றுகிறது.

அரசியல்வாதிக்கோ சாதிச் சங்கத்தின் சார்பு வேண்டும். தீப்பொறி மாணவ சமுதாயத்துக்கு தோழனாக பாவ்லா கட்டவேண்டும். கட்சிப் பொருளாதாரத்தைக் காக்கும் தொழிலதிபர்களும் வேண்டும். அமைப்பு சார்ந்த தொழிலாள தொண்டர்களும் வேண்டும். ஆட்சி பீடத்தின் நான்கு கால்களாக இவர்களை சொல்லும் சுஜாதாவின் வசனம்.

இன்றும் இவ்வாறான நிலைமையைக் கையாளுவதற்கு தமிழக காவல்துறை எவ்வளவு தூரம் தயார் நிலையில் இருக்கிறது என்று தெரியவில்லை. காலாகாலத்துக்கும் பொருத்தமான காட்சியைக் கொண்டு வருவதில் சுஜாதா+ஷங்கர் சமர்த்தர்கள்.

தமிழ் | Tamil | தமிழ்ப்பதிவுகள்

Grand Canyon to Get Glass Bridge
Fear of heights? This is definitely no place for you.
The all-glass, balcony-like “Skywalk”–shown in an illustration released this week–will extend over the edge of the Grand Canyon, 4,000 feet (1,200 meters) above the Colorado River.
“The Skywalk will be an attraction unlike any other in the world,” said Sheri Yellowhawk, CEO of the Grand Canyon Resort Corporation. The company is building the bridge in the Hualapai Indian Reservation on the south rim of the canyon.
The Skywalk is scheduled to open to the public in January 2006 as part of a new resort on the reservation. The resort, known as Grand Canyon West, is to include a re-created Indian village and a restaurant perched on the edge of the canyon. Tourism is the reservation’s biggest source of income.
Grand Canyon West will be on the western edge of Grand Canyon National Park, about 120 miles (about 200 kilometers) from Las Vegas. But perhaps not even the Las Vegas Strip’s over-the-top attractions will be a match for this glass-bottom walkway over the world’s biggest gorge.
 

சு.ரா.வுடனான முதல் கலந்துரையாடல் – I

சாமிநாதன்: ஹார்ட் கம்பரைவிட்டு வர மாதிரி தெரியலை.

அண்ணாமலை: அவர் மொழிபெயர்ப்பில் போய்விட்டார்.

சு.ரா.: வெளியே விட்டு வரலை என்பதால் மாடர்னிடி தெரியலைன்னு இருக்கா? அவங்களோட டேஸ்ட் அது.

சாமிநாதன்: ஒண்ணு ரெண்டு பேர் இருப்பதால் அவர் அதுலதான் போகஸ் பண்றார். அதனால சொல்றேன். அதை நான் தப்புன்னு சொல்லலே.

சு.ரா.: தப்புன்னு சொல்லலே என்பதைவிட தப்புதான்னு சொல்லணும். ஏன்னா, ஒரு தமிழ் ஸ்காலர் வந்து – அவர் தமிழ் ஸ்காலரா இருந்தார்னா – அவருக்கு எல்லா sides-ம் தெரிஞ்சிருக்கணும். அட்லீஸ்ட் முக்கியமான sides தெரிஞ்சிருக்கணும். எல்லாம் அவருக்குத் தெரிந்திருக்க இயலாது. நம்மை மாதிரி மாடர்னிடி தெரியும்னு எதிர்பார்க்க முடியாது. ஆனால் முக்கியமானவை தெரிஞ்சிருக்கணும்.

சு.ரா: சிலப்பதிகாரத்தைப் பார்த்தசாரதின்னு ஒருத்தர் மொழிபெயர்த்திருக்கிறார். ரொம்ப எபர்ட் போட்டுத்தான் செஞ்சிருக்கார். செவன் டூ எய்ட் இயர்ஸ் வொர்க் பண்ணியிருக்கார். ரீச் பண்ணலையே. வேர்ல்ட்ல இருக்கற முக்கியமான எத்தனை ஸ்காலர்ஸ் – இங்லீஸ் ஸ்காலர்ஸ் – அதை ரீட் பண்ணியிருக்காங்க. அது முக்கியமான கொஸ்சன்.

சு.ரா.வுடனான முதல் கலந்துரையாடல் – II

ராஜாராம்: இருமொழி திட்டத்தினாலே என்ன பண்ணாங்கன்னா – they did not know the consequences. மும்மொழி திட்டத்திலே – you can make Tamil compulsory. இருமொழி திட்டத்திலே அதைப் பண்ண முடியாது. ஏன்னா, you can choose only two languages.

சு.ரா.: கேரளாவுலே இது நடக்குமா? கொஞ்சம் யோசிச்சிப் பாருங்க. உங்க பக்கத்து மாநிலத்திலே – ஜெயலலிதா மாதிரி ஒரு அம்மா வரமுடியுமா? தூக்கி எறிஞ்சிடுவாங்க. 24 மணி நேரத்திலே தூக்கி எறிஞ்சிடுவாங்க. இந்த ஆட்டங்கள் ஏதாவது அங்க நடக்குமா பாருங்க. நம்ம ஊருக்குப் பக்கத்துல இருக்கற பல இடங்களில் இந்த மாதிரி ஆட்டம் போட முடியாது. அப்படின்னா – இங்க மட்டும் ஆட்டம் போட முடிவதற்கான காரணங்கள் என்ன? அந்த rootsதான் மிக முக்கியமானது. அதை உங்களாலே கண்டுபிடிக்க முடியுமா? அப்போதான் உங்களுக்கு விமோசனம் கிடைக்கும்.

சு.ரா.: இங்க higher level-ல எவ்ளோ வேணும்னா லஞ்சம் இருக்கலாம். ஆனா, lower level-ல கிடையாது. லஞ்சம் இருக்கா இல்லையா என்பதில்லை. ஒரு ஆபிசுக்குள்ளே நுழைஞ்சதுமே, ஒரு மனுஷன் உள்ளே வந்திருக்கான் அப்படீன்ற எண்ணம் இந்த கன்ட்ரிலே இருக்கு. இந்தியாலே கிடையாது. ஸ்டூலை ஒளிச்சி வெச்சுக்கறான் சார். அங்கே உட்காரக் கூடாதுன்னு. முக்கியமான ஆளுங்க வந்தாதான் ஸ்டூலை எடுத்து வருவான்.

முழு கலந்துரையாடல்: 1 & 2 – பி.கே. சிவகுமார் & திண்ணை

தமிழ் | Tamil | தமிழ்ப்பதிவுகள்

tamiloviam :: இப்பொழுதுதான் ஜான் கெர்ரி தோற்ற மாதிரி இருக்கிறது. அதற்குள் அடுத்த வேட்பாளரை தயார் செய்வதற்கு அமெரிக்கா முஸ்தீபுகளில் இறங்கிவிட்டது.

ஜனநாயக கட்சிக்கு, செல்ல வேண்டிய பாதையும் கட்சியின் தளத்தகை (strategy) எவ்வாறு அமைய வேண்டும் என்பதிலும் ஏராளமான குழப்பங்கள் நீடிக்கிறது. தற்போதைக்கு ஜான் எட்வர்ட்ஸ் முன்னணியில் இருக்கிறார்.

குடியரசு கட்சியின் பாடுதான் திண்டாட்டமாக இருக்கிறது. வெல்ல முடியாத போர். பிடிக்க முடியாத ஒஸாமா. நிர்கதியான பேரிழப்புகளில் செயல்பாடற்ற அரசாங்கம். பல முனைகளிலும் மாற்றத்தை விரும்பும் மக்களை எதிர்நோக்குகிறது.

கடந்த முறை பில் க்ளிண்டன் தொடர்ச்சியாக எட்டாண்டுகள், இரண்டு தடவை தேர்ந்தெடுக்கப்பட்டார். அமெரிக்காவும் வேலை வாய்ப்பு அதிகரித்தல், பணவீக்கம் இல்லாத வளர்ச்சி, பங்குச்சந்தை வளம், வெளிநாடுகளுடன் நட்புறவு என்று சுபிட்சமாக இருந்தது. இருந்தாலும், அவருடைய துணை ஜனாதிபதி ஆல் கோர் தோற்றுப் போனார். கிளிண்டனுடனான உறவை போதுமான அளவு தூரபடுத்திக் காட்டிக் கொண்டும் தோல்வியை தவிர்க்கமுடியவில்லை. வாக்காளர்களுக்கு சீக்கிரமே அலுத்துவிடுகிறது.

தற்போதைய ஜனாதிபதி ஜார்ஜ் புஷ்ஷின் அப்பாதான், கடைசியாக ஜெயித்த துணை ஜனாதிபதி. ரொனால்ட் ரீகனின் கொள்கைகளை கடைபிடிப்பதாக உறுதி கூறினார். அவரைப் போலவே வருமான வரிகளை குறைக்கும் நிதித் திட்டத்தை முன்வைத்தார். அதே சமயம், தன்னை இன்னும் சூட்சுமமான, செயல்வீரனாக, காட்டிக் கொண்டார். ஈரான் ஊழல் பிரச்சினை போன்றவற்றை தவிர்க்கக் கூடியவராக, அன்றாட வேலைகளில் உள் நுழைந்து அலசி ஆராயக் கூடியவராக நிலை நிறுத்தி வெற்றியும் பெற்றார்.

குடியரசு கட்சிக்கு அடுத்த ‘புஷ்’ தேவை. ஜார்ஜ் ஆலன் மற்றும் புஷ்ஷின் தம்பி ஜெப் புஷ் இருவருமே கிட்டத்தட்ட இன்றைய நாயகன் புஷ் போலவே கொள்கை உடையவர்கள். எதிரி நாடுகளைப் போட்டு தாக்குவதில் ஆகட்டும்; மதத்துடன் பின்னிப் பிணைந்து சமூக அமைப்பை கொண்டு செல்வது ஆகட்டும்; பழைய மொந்தை… பழைய கள்.

கொடிவழி அறங்களை பின்பற்றுவதில் ஜார்ஜ் ஆலன் முன்னணியில் நிற்கிறார். புஷ்ஷைப் போலவே பொலிடிகலி இன்கரெக்டாக பேசுவது, அறிவு ஜீவிகளுக்கு தான் தலைவனல்ல என்று எதிர்பார்ப்பை குறைத்து மதிப்பிட சொல்வது என்று பலவகையிலும் தொடர்ச்சியை விரும்பும் வேட்பாளர்களின் நாயகனாக பார்க்க வைக்கிறார்.

இருந்தாலும் ஜனாதிபதியை விட்டு வித்தியாசப்படுத்திக் காட்டிக் கொள்ள 9 பேர் முயல்கிறார்கள். அவர்கள் குறித்த தகவல்கள்.

தமிழ் | Tamil | தமிழ்ப்பதிவுகள்

The Cauvery river at Erode, Kerala.
 

அமெரிக்க உச்சநீதிமன்றத்திற்கு ஹாரியத் மியர்ஸை (Harriet Miers) நியமனம் செய்திருந்தார் ஜார்ஜ் புஷ். எதிர்க்கட்சியான சுதந்திர கட்சி உறுப்பினர்களிடமிருந்து வழக்கமான எதிர்ப்பு இருந்தது. ஆனால், தன்னுடைய கட்சியான குடியரசு கட்சி செனேட்டர்களிடமிருந்தும், கடுமையான விமர்சனங்கள் வந்து கொண்டிருந்தது.

Miers withdraws nomination to Supreme Court
 

தசாவதார கமலின் நாயகி அஸினுக்கு பிறந்த நாள். வாழ்த்த எனக்கு வயசு போதாது.

அண்ணன் ரஜினியோடும் மருமகன் தனுஷுடனும் ஜோடி கட்டும் ஷ்ரேயா, மலையாள இறக்குமதிகள் நயன் தாரா, நவ்யா நாயர், கோபிகா, வருங்கால சிம்ரன் நமீதா, அந்தக் கால ஜோதிகா போன்ற எல்லோரையும் முந்த எல்லாம்வல்ல இறைவனிடம் மன்றாடுகிறேன்.

இந்தப் பதிவின் தலைப்பை தேடுவோருக்காக: asin(x) வளைவுகளும் 1105 ADயும்
அஸினூவில் (Asinou) பைசாண்டைன் தேவாலயம் இருக்கிறது. யுனெஸ்கோவின் தொன்மையான உலக கலாசார இடமாக அறிவிக்கப்பட்டிருக்கிறது. நிகிடாரிக்கு (Nikitari) முன்று மைல் தெற்காக, ட்றுடோஸ் (Troodos) மலைப்பகுதியில் அமைந்திருக்கிறது. அஸினூ என்பது கிரேக்கத்தில் அஸின் (Asine) என்பதின் மரூஉ. கிறித்துவுக்கு முந்தைய பதினொன்றாம் நூற்றாண்டில் அர்கோலிஸ் (Argolis) நகரத்தில் இருந்து குடிபெயர்ந்தவர்களால் அஸின் அமைக்கப்பட்டது.

பனிரெண்டாம் நூற்றாண்டில் தேவாலயம் கட்டப்பட்டது. Byzantine mural ஓவியங்களின் காலத்தை 12 முதல் 17ஆம் நூற்றாண்டாக நிர்ணயித்துள்ளார்கள்.

தென்மேற்கு பகுதியில் காணப்பட்ட குறிப்பில் இருந்து:

“the church of the holy mother of God was painted through the donation and great desire of Nicephoros Magistros the Strong, when Alexios Comnenos was Emperor in the year 6614, indiction 14”.

இதன் மூலம் தேவாலயம் கட்டப்பட்ட காலத்தை 1099க்கு பிறகு ஆனால் 1105க்க்ள் இருக்கலாம் என்று கணக்கிட்டிருக்கிறார்கள்.

தமிழ் | Tamil | தமிழ்ப்பதிவுகள்

நுட்பமான பதிவு எழுதுவது எப்படி என்று முகமூடியும் என்னைப் போன்றோரும் கோனார் உரைத்திருந்தோம். இந்தப் பதிவு தொழில் நுட்பங்கள் குறித்த சில பகிர்தல்கள் கொண்டது.

1. செய்தியோடை உகப்பம்

உங்கள் செய்தியோடையை (RSS) ஒரு சொடுக்கில் ‘என்னுடைய யாஹூ’, ‘ரோஜோ’, ‘ப்ளாக்லைன்ஸ்’ போன்ற பல இடங்களில் சேர்த்து விடும் உகப்பைக் கொடுக்கலாம். வழிமுறைகள் க்ரிஸ் செர்ரியின் வலையகத்தில் கிடைக்கிறது.

2. தமிழ்ப்பதிவுகளைத் தேடுவதற்கு technorati மற்றும் கூகிள் என்று இரண்டு வழிகள் சொல்கிறார்கள். பலரும் பயன்படுத்துவதற்கு kinjaவும் நேர்த்தியாக இருக்கிறது.

3. ஆங்கிலப் பதிவுகளை அலசி ஆராய்வதற்கு குறியீடு தவிர ஏற்கனவே எழுதியது போல் பல நுட்பங்கள் புகழ் பெற்றிருக்கிறது.

எனக்குப் பிடித்த ஒரு சில…

• டெக்னாலஜி சம்பந்தமான அனைத்து ஓடைகளையும் அலசி ஆராய்ந்து எளிதாக வழங்கும் Memeorandum
• கிஞ்சாவைப் போலவே சில காலமாக மிகவும் பயன்படும் del.icio.us
• புத்தகக்குறிகள், வலைப்பதிவுகள், செய்தியோடைகள், வாசகரின் விருப்பங்கள் என்று தொகுத்துப் பார்க்க உதவும் digg
• வலைப்பயனர்களிடம் கட்டுப்பாட்டை ஒப்படைத்து ஜனநாயக முறையை முன்னிறுத்தும் reddit
• பங்குச்சந்தையோடு உறவாடுபவர்களுக்கு சி.என்.பி.சி தொலைக்காட்சியின் வண்ணமயமான ஜிகினா பின்னணி செய்திகள் பரிச்சயமாக இருக்கும். அதே போன்று வலைப்பதிவில் அடிபடும் செய்திகளை newsmap காட்டுகிறது.
• ARS என்று நடிகர் அப்பா வேடங்களிலும், வர்த்தக மனிதராகவும், பணக்காரராகவும் திரைப்படங்களில் நடிப்பார். Article Ranking System என்னும் தரப்படுத்தலைக் கொண்டு Blogniscient செயல்படுகிறது. புதிய, படிக்க வேண்டிய பதிவுகளைத் தெரிந்து கொள்ள உதவும்.

4. வலை நுட்பங்களைக் கண்டு போரடித்தவர்களுக்காக: தேஸி வீடியோ

5. வலை நுட்பங்களைக் கண்டு போரடிக்காதவர்களுக்காக: இந்த வார பிசி சஞ்சிகை Clipmarks மற்றும் Jeteye போன்ற இணையக்குறி சேமிப்பு நிரலிகளை அலசுகிறது.

தமிழ் | Tamil | தமிழ்ப்பதிவுகள்

சமய சந்தர்ப்பம் தெரியாமல் வாய் பாடல் எதையாவது திடீரென்று முணுமுணுக்கும். இன்று பாட நினைப்பவை:

1. விழியே கதை எழுது – உரிமைக் குரல்

2. ரங்கோலா – கஜினி

3. ராஜா என்பார் மந்திரி என்பார் – புவனா ஒரு கேள்விக்குறி

4. ஐ ஆர் எட்டு – மஜா

5. அலைகளில் மிதக்குது– அந்த ஒரு நிமிடம்

6. காட்டுக்குயிலு மனசுக்குள்ள – தளபதி

7. அபிஷேக நேரத்தில் அம்பாளை தரிசிக்க – அழகே உன்னை ஆராதிக்கிறேன்

8. காத்திருப்பான் கமலக்கண்ணன் – அம்பிகாபதி

9. குரங்கில் இருந்து பிறந்தவன் மனிதன் – தூக்கு தூக்கி

10. கல்யாணம் ஆஹா கல்யாணம் – பெண்

தமிழ் | Tamil | தமிழ்ப்பதிவுகள்