Snap Judgment

Rivolta Briefs 

பழமையானதால் பழமொழி
தலை சொன்னால் பன்ச் மொழி
குட்டித்திரையில் சொன்னால் குட்டிமொழி

‘நாலு லார்ஜ் அடிச்சாலும் ஸ்டெடியா நிற்பேன் என்று சொல்வது தன்னம்பிக்கை;

நாலு லார்ஜ் அடிச்சாலும் நான் மட்டும்தான் ஸ்டெடியா நிற்பேன் என்று சொல்வது தலைக்கனம்.’

கேட்ட இடம்: இளமை புதுமை (சன் டிவி)

விளம்பரம் | தமிழ்ப்பதிவுகள்

பதிவுகள் :: நேசகுமார்

வைதேகிக்கு சென்னை பிரமிப்பை ஏற்படுத்தியது. வீட்டில் பதக்கங்களாகவும், சர்ட்டிபிகேட்டுகளாகவும் வாங்கிக் குவித்து தான் மற்றவர்கள் அனைவரிலும் சிறந்த பெண் எனப் பெயரெடுத்தவர். திடீரென்று சென்னைக்கு வந்தது அவரை மிகுந்த குழப்பத்திற்கும் மன சஞ்சலத்திற்கும் உள்ளாக்கியிருக்க வேண்டும். பாலகுமாரனை வீழ்த்தியாக வேண்டிய நிர்ப்பந்தம் வைதேகிக்கு. சு.ரா கையில் அகப்பட்டார்.

ஜெயமோகனிடம் எனக்கு அவ்வளவாய்ப் பரிச்சியம் இல்லாவிட்டாலும், மற்றவர்களிடமிருந்து கேட்ட தகவல்களை வைத்து நிறுவனமாய் நிமிர்ந்து நிற்கும் எந்தவொரு கருத்தும், குழுவும் பிறரை விழுங்கியே நிமிர முடிகிறது என்னும் முடிவுக்கு வந்திருந்தேன். அது தமிழிலக்கிய உலகிலும் அசாதாரண இயல்பு நிலையோடு நிலைகொண்டிருப்பதைக் குறித்து அடிக்கடி கவலையும் கொள்வதுண்டு.

அரவிந்தனிடம் நான் கேட்டது வெங்கட் சாமிநாதனின் ரியாக்ஷன் குறித்து. அவர் சலனமேயில்லாமல் இருந்தார் என்றார். வெங்கட் சாமிநாதனின் நேர்மையை பாராட்டத் தோன்றியது. தமக்கு வக்கீல் நோட்டீஸ் கிட்டிய பின்னர் வெங்கட் சாமிநாதனுக்கு ஏற்பட்ட மனஉளைச்சல் ஏனோ திரும்பத் திரும்ப நினைவுக்கு வருகின்றது.

அல்பாயுசில் இறந்து போகும் பாக்கியவான்களுக்கு மட்டும் தான் வீழ்ச்சி கிடையாது. அல்லது, ஒவ்வொரு தாழ்வான செயலுக்குப் பின்னாலும் மனித குலத்திற்கான கடவுளின் மகத்தான திட்டம் இருக்கிறது என்று பித்தலாட்டம் செய்யும் மதவாதியாக இருக்க வேண்டும். இந்த இருவகை மனிதர்களுக்குத்தான் சரிவே கிடையாது.

பிராம்மண எழுத்தாளர்கள் குரூரமாக வன்முறையை ரசிப்பது கிடையாது. ஜெயமோகனுக்கும் சுராவுக்குமான மிகப் பெரிய வித்தியாசமாக இதையே நான் காண்கிறேன். பிராம்மணர்கள் வன்முறையை விவரிக்கும் விதம் கூட ஏசி சினிமா ஹாலிலிருந்து ஹாலிவுட் படச் சண்டையை டிடிஎஸ் சவுண்ட் எ·பெக்டில் ரசித்துப் பார்ப்பது போன்றிருப்பதாலேயே, அவர்கள் எழுதுவதை மிகப் பெரிய அளவில் வரவேற்பைப் பெறுகிறது. வன்முறை தமிழ்நாட்டில் விலைபோகாது.

இழவு வீட்டுக்குச் செல்வது ஒரு கடன். சுராவின் மறைவைத் தொடர்ந்து வரும் கட்டுரைகள், அழகிய அட்டைப் படங்கள், விளம்பரங்கள், விற்பனைகள் இதையே இன்று என் நினைவுக்குக் கொண்டுவருகின்றன. நானும் இதற்கு விதிவிலக்கல்ல!

Pathivukal | Nesakumar | SuRaa | Tamilweb | தமிழ்ப்பதிவுகள்

JuniorVikatan.com: வெள்ளச் சேதங்களைப் பார்வையிடச் சென்றார் இந்திய கம்யூனிஸ்ட் கட்சித் தலைவர் நல்லகண்ணு.

விருத்தாசலத்தில் உடைந்துபோன ஆற்றுப் பாலத்தை கடந்த 28-ம் தேதி பார்வையிட்டுவிட்டு, அப்படியே உழவர் சந்தை பக்கமாக நல்லகண்ணுவும் தோழர்களும் போயிருக்கிறார்கள். அப்போது, உழவர் சந்தை வாசலில் சில விவசாயிகள் காய்கறி விற்றுக் கொண்டிருக்க, அங்கு வந்த டி.எஸ்.பி-யான பழனி என்பவர் அவற்றை எல்லாம் உதைத்துத் தள்ளி, அங்கிருந்து விவசாயிகளை விரட்டிக் கொண்டிருந்தாராம். இதைப் பார்த்துப் பதறிப் போன நல்லகண்ணுவும் தோழர்களும் தட்டிக் கேட்ட போது, அவர்களை மரியாதை இல்லாமல் பேசினாராம் டி.எஸ்.பி. இதைக் கண்டித்து கம்யூனிஸ்ட்கள் போராட்டம் நடத்தியிருக்கிறார்கள். போராட்டத்துக்கு டி.எஸ்.பி. அனுமதி மறுக்க, மாவட்ட எஸ்.பி-யான பன்னீர் செல்வம் தலையிட்டு, அனுமதி கொடுத்து இருக்கிறார். அப்படியும் ஆர்ப்பாட்டத்தின் போதும் தோழர்களை சகட்டுமேனிக்குத் திட்டினாராம்டி.எஸ்.பி. இதுசம்பந்தமாக போலீஸில் புகார் கொடுக்கப்பட்டு, அது பதிவு செய்யப்படாமலே இருக்கிறது.

வலைமொழி: தெரியாத தேவதையைவிட தெரிஞ்ச பிசாசு எவ்வளவோ மேல்

கழுகு | விகடன் | vikadan | Tamilweb | தமிழ்ப்பதிவுகள்

லேசான மனது வேண்டுமானால் மிஸ்டர் மியாவ் பக்கம் ஒதுங்குவேன். கொஞ்சம் மாறுதலுக்காக, மனது லேசாக குமுதம் பக்கம் சென்றால் நிறையவே சிந்திக்க வைத்துவிட்டார்கள்.

1. வைரமுத்துவுக்கு கமல் போட்டியா?

அமெரிக்காவில் இருந்து வெளிவரும் தென்றல் இதழின் டிசம்பர் இதழில் கமல் கவிதை:

‘என் ஜன்னல்வழிப் பார்வை கலிலியோவின் உலகைச் சதுரமாக்கியது.’

பல தளங்களில் விரிவடையும் கவிதை.

அறத்துப்பால் – வழிபாடு

1. அகர முதல வலைப் பதிவெல்லாம்
   பத்ரி குறிப்பே குரு.
2. பதிவினால் ஆய போஸ்டென்கொல் வாலெறிவன்
   நற்பதிவில் மறுமொழியார் எனின்.
3. சுட்டிமிசை காட்டினான் பின்பற்றி போனார்
   வலைமிசை நீடுசுற்று வார்.
4. சுட்டுதல் சுட்டாமை இலான் பதிவோருக்கு
   யாண்டும் அனானிமஸ் இல.
5. ப்ராக்ஸி ஐபி இருவினையும் பாரா முகமூடி
   பொருள்சேர் புகழ்புரிந்தார் மாட்டு.
6. சினிமா அரசியல் சமயம் கருத்து குத்து
   பதிவார் பார்வைபெறு வார்.
7. மனத்துவப்பானவர் மாண்பு போற்றும் பதிவரின்
   ப்ராண்டுதலை மாற்றல் அரிது
8. செய்திவாழி buzz தாள்பதிவார்க் கல்லால்
   பிறவாழி விசிட்டர் அரிது.

தொடர்புடைய சுட்டி: Prabhu n Ferrari :: Blog kural | :: Thirukural :: DR.KALAIGNAR URAI ::

குசும்பு | உல்டா | தமிழ்ப்பதிவுகள்

ஜெயபாஸ்கரன்

‘ஐயா வணக்கம்
நல்லாயிருக்கீங்களா?’

‘ம்’

‘வீட்ல எல்லோரும்
செளக்கியமா இருக்காங்களா?’
‘இருக்காங்க!’

‘இப்ப வீடு எங்க இருக்கு?’
‘திருவான்மியூர்ல!’

‘உங்க கவிதையெல்லாம்
பிரமாதமா இருக்குமே…
தொகுதியா வந்திருக்கா?’
‘இல்ல!’

‘உங்க திறமை
எனக்கு தெரியும்
நல்லா வருவீங்க!’
‘நன்றி’

‘அடடா உங்க கூட ஒரு நிமிஷம்
பேசக் கூட முடியல பஸ் வந்துடுது
வரட்டுமா?’
‘நல்லது!’

அடுக்கடுக்காக என்னை
நலம் விசாரித்துவிட்டுப் போகிறான்
அவன்.

அன்பான விசாரணைகளை
இறுகிய முகத்துடன் எதிர்கொள்வதாக
என்னிடம் வருத்தப்பட்டுக் கொள்கிறான்
இவன்.

எப்படிச் சொல்வது இவனுக்கு?

சொல்லப்பட்டவைகளை விடவும்
நினைக்கப்பட்டவைகள் தான்
எனக்கு நன்றாகக் கேட்கும்
என்பதை.

Kavithai | Tamilweb | தமிழ்ப்பதிவுகள்

கீழே உள்ள சொலவடைகள் என்னவென்று கண்டுபிடிக்க முடியுமா?

1. மாட்டுக்கு

   பச்சை

2. உ ழு கி ற தை > ஆழ
3. சோறு
   /\ ஆயிரம்
4. பை
   ப்
   கு

   கோ
   பு
   ர
   ம்

5. கு ம் , குடம்

தொடர்புள்ள சுட்டி: வார்த்தை விளையாட்டு | வா.வி. – 2 | III

பழமொழி | விளையாட்டு | தமிழ்ப்பதிவுகள்

அறிமுகம் : அர்த்தமண்டபக்காரர்

சமீபத்தில் படித்ததில் காக்டெய்ல் ரொம்ப பிடித்திருந்தது. ஏற்கனவே சந்தோஷ் குரு விரிவாக அலசிவிட்டதாலும், இன்னொரு விதமாக வாசக அனுபவம் எழுத நேரம் பிடிக்கும் என்பதாலும், இந்த சிறு பதிவு (கமா) போஸ்ட்-இட் நினைவுச் சீட்டு.

சந்தோஷ் குரு: காக்டெயில் – வாசக அனுபவம்

சுதேச மித்திரன் : சாம்பலின் மறுவருகை

சிறுகதை : கோபுரம் தாங்கி

பத்ரி சேஷாத்ரி : சுதேசமித்திரனின் காக்டெய்ல்

முதல் இதழ் ‘சாம்பல்’ வீட்டில் எங்காவது ஒளிந்திருக்கலாம். கிடைத்தால் புதுச் சாம்பல் கரைவதற்குள் ‘வாசக அறிமுகம்’ தருவேன்.

வலைப்பதிவு | Tamilblog | தமிழ்ப்பதிவுகள்

இரா.முருகன்

நேற்றைய செய்தித்தாள் சொன்னது
கம்ப்யூட்டர் விலை குறையுமென்று.
மழையில்லாமல் மின்சார வெட்டென்று.
மந்திரிசபை விரிவடைந்தது.
குடும்பக் கட்டுப்பாடு ஊர்வலம் நடந்தது.
காந்தி சமாதியில் மலர் வளையம் வைத்து
அமெரிக்க செனட்டர் புறப்பட்டுப் போனார்.
தேவாரத்தில் தேசிய ஒருமைப்பாடு –
இல்லந் தோறும் சாண எரிவாயு –
பிரமுகர்கள் சொற்பொழிந் திருந்தார்கள்.
ஹாக்கியில் இந்தியா வென்றதற்காக
ஆசிரியருக்குக் கடிதத்தில்
ஆராவமுதன் தொப்பியைக் கழற்றினார்.
அயோத்தியா மண்டப உபன்யாசத்தில் சாயந்திரம்
தந்தை சொல்காக்க ராமன் காடேகினான்.
ரேஷனில் இருபது கிலோ அரிசி.
செல்லுலர் தொலைபேசி வாங்கினால்
பேஜர் இலவசம்.
இட்லி சுற்றி எடுத்துப் போகும்போது பார்த்தேன்.
இயற்கை எய்தியவன் முகம்
மிளகாய்ப் பொடி கசிந்த எண்ணெய் மினுக்கில்
என்னைப் போல.

ஒரு கிராமத்துப் பெண்ணின் தலைப் பிரசவம் ::

‘ஒரு கிராமத்துப் பெண்ணின் தலைப் பிரசவம்’ சென்னை ஸ்நேகா பதிப்பகம் வௌயீடாக வந்தது. நேர்த்தியான அச்சமைப்போடு கூடிய அதன் முகப்போவியத்தைச் சிறந்த நவீன ஓவியர்களில் ஒருவரான ஆதிமூலம் வரைந்திருந்தார். என் நண்பர் எழுத்தாளர் – கவிஞர் – ஓவியர் யூமா வாசுகி புத்தகத்துக்கு உள்ளே தான் இக்கவிதைகளை உள்வாங்கிக் கொண்டதன் அடிப்படையில் அற்புதமான கோட்டோவியங்களை வரைந்தளித்திருந்தார். மார்ச் 2000-ல் சுஜாதா வௌயிட்டது இப்புத்தகம்.

இரா.முருகன்
(ஆகஸ்ட் 2003)

கவிதை | Tamilweb | தமிழ்ப்பதிவுகள்