Monthly Archives: மார்ச் 2006

தலையங்கம் | வர்த்தகரீதியில் செய்தி அலசல் | துபாய் நிறுவனத்துக்கு துறைமுகப் பொறுப்பை ஒப்படைக்க மறுப்பு (நியு யார்க் டைம்ஸ்)

முக்கியமான அமெரிக்கத் துறைமுகங்களில் இருந்து சரக்கை நிர்வகிக்கும் பணியை துபாய் நிறுவனத்துக்குத் தர அமெரிக்க அரசியல் மறுத்துள்ளது.

நண்பர்களுக்குக் கொடுக்க புஷ்ஷுக்கு விருப்பம்.

அமெரிக்கப் பாதுகாவலனாகக் காட்டிக் கொள்ள ரிபப்ளிகன் கட்சிக்கு ஆர்வம்.

கன்சர்வேடிவ்களை விட உயரிய முறையில் அமெரிக்க எல்லைகளின் ரட்சகனாக வெளிப்படுத்திக் கொள்ள டெமோக்ரடிக் கட்சிக்கு வாய்ப்பு.

இதே கொள்கைகள் சொவ்வறை நிரலிகளுக்கும் மேம்படுத்தப்பட்டால்…

இன்று ஒரு தத்துவம்:
பார்த்தது பல் அளவு;
பார்க்காதது பார் அளவு!!

பாட்டாளி மக்கள் கட்சி திமுக கூட்டணியில் 31 இடங்கள் பெற்றுள்ளது. இன்று காலை முடிவான ஒப்பந்தத்தின்படி திமுக கூட்டணியின் (ஜனநாயக முற்போக்குக் கூட்டணி) இடங்கள் பின்வருமாறு:

திராவிட முன்னேற்றக் கழகம் – 129
திமுக சின்னத்தில் முஸ்லிம் லீக் – 3
காங்கிரஸ் – 48
பாட்டாளி மக்கள் கட்சி – 31
மார்க்சிஸ்ட் கம்யூனிஸ்ட் – 13
இந்திய கம்யூனிஸ்ட் – 10
மொத்தம் = 234

காங்கிரசுக்கும் கம்யூனிஸ்டுகளுக்கும் அதிகமாகவும், பாமகவுக்குக் குறைவாகவும் இடங்கள் ஒதுக்கப்பட்டுள்ளதாகத் தெரிகிறது.

திமுகவும் அதிகமாகவே தியாகம் செய்துள்ளது.

இந்தக் கூட்டணி நல்ல வலுவான கூட்டணி. நிச்சயம் வெற்றிவாய்ப்புகள் அதிகம் உள்ள கூட்டணி. இப்பொழுதைக்கு உள்ள ஒரே பிரச்னை இந்திய கம்யூனிஸ்டுகளின் அதிருப்தி. அதைச் சரிக்கட்டுவது பெரிய விஷயமல்ல.

இதற்கு மாறாக அதிமுக, மதிமுக, விடுதலைச் சிறுத்தைகள் + சில்லறைகள் கூட்டணி வெற்றிபெறுவது கஷ்டம்தான். ஆனால் போட்டி பல இடங்களிலும் கடுமையாக இருக்கும்.

திமுக கூட்டணியில் சில கட்சிகளுக்கு இடங்கள் ஒதுக்கப்பட்டுள்ளன.

* காங்கிரஸ் – 48
* கம்யூனிஸ்ட் (மார்க்சிஸ்ட்) – CPI (M) – 13
* இந்திய கம்யூனிஸ்ட் – CPI – 10
* முஸ்லிம் லீகுக்கான திமுகவின் உள் ஒதுக்கீடு – 3

பாமகவுக்கு 28-இலிருந்து 31 இடங்கள் ஒதுக்கப்படும் என்று பேசுகிறார்கள். இதனால் திமுகவுக்கு என்று கிடைக்கும் இடங்கள் = 129-இலிருந்து 132

இந்தக் கூட்டணியில் மிகவும் சந்தோஷமாக இருப்பது காங்கிரஸ். பாமகவுக்கு அதிருப்தி இருக்கும் என்று நினைக்கிறேன். மதிமுக கூட்டணியில் இருந்து கழன்று கொண்டதால் கிடைக்கும் 22 இடங்களின் தங்களுக்குக் கணிசமான தொகுதிகள் கிடைக்கும் என்று பாமக எதிர்பார்த்திருக்கும். ஆனால் காங்கிரசுக்கும் கம்யூனிஸ்டுகளுக்கும் நிறையக் கிடைத்துள்ளதுபோலத்தான் எனக்குத் தோன்றுகிறது.

மேலும் சென்ற தேர்தல்களின்போது பாமகவே முதன்முதலில் தொகுதிப் பங்கீட்டு ஒப்பந்தம் செய்துகொள்வது வழக்கம். அவர்களுக்கு தங்களின் தேவை மிக நன்றாகத் தெரிந்திருக்கும்; அவர்களைக் கூட்டணியில் வரவேற்கும் கட்சிக்கும் பாமகவின் முக்கியத்துவம் தெரிந்திருக்கும். ஆனால் இம்முறை பாமகவே கடைசி ஒப்பந்தம் செய்யப்போகிறது.

இந்திய கம்யூனிஸ்ட் கட்சியும் வருத்தத்தில் உள்ளதாகத் தெரிகிறது. தனக்கும் மார்க்சிஸ்ட் கம்யூனிஸ்டுகளுக்குக் கொடுத்த அதே அளவு இடங்கள் தேவை என்று கேட்பதாகத் தெரிகிறது. இவர்கள் இருவருக்குமே கொடுக்கப்பட்ட இடங்கள் அதிகம் என்பது என் கருத்து. ஆளுக்கு 7 தொகுதிகளுக்குமேல் கொடுத்திருக்கவே வேண்டாம்!

1. வாரனாசி குண்டு வெடிப்பு குறித்த தி ஹிந்து தலையங்கம்

2. பா.ஜ.க.வின் செய்கை?

3. Pavlovian Conditioning:: Classical conditioning – விக்கிப்பீடியா

அரசியல் | தத்துவம் | தமிழ்ப்பதிவுகள்

செய்தி: ஐ.பி.என். | ஐ.எஃப்.ஜே.

தந்தை மகற்காற்று நன்றி அவையத்து
முந்தி இருப்பச் செயல்.

தந்தை தன் மக்களுக்குச் செய்யவேண்டிய நல்லுதவி அவர்களை அறிஞர்கள் அவையில் புகழுடன் விளங்குமாறு ஆக்குதலே ஆகும்.

மகன்தந்தைக்கு ஆற்றும் உதவி இவன்தந்தை
என்நோற்றான் கொல்எனும் சொல்.

‘ஆகா! இவனைப் பிள்ளையாகப் பெற்றது இவன் தந்தை பெற்ற பெறும்பேறு’, என்று ஒரு மகன் புகழப்படுவது தான், அவன் தன்னுடைய தந்தைக்குச் செய்யக்கூடிய கைம்மாறு எனப்படும்.

நன்றி: விக்கிபுக்ஸ்

தற்காலத்திற்கு ஏற்ற உல்டாக்கள்:

1. தந்தை மகற்காற்று நன்றி சொத்தை
மகனுக்கே விற்கும் செயல்.

2. மகன்தந்தைக்கு ஆற்றும் உதவி இவன்சொத்தை
எங்குபெற்றான் என்பவனைக் கொல்.

Mayawati | ஊழல் | தமிழ்ப்பதிவுகள்

கில்லி-க்காக விளம்பரம்

தமிழ்மணம் மேய – 4 மணி நேரம்
வலைப்பதிவெழுத – 2 மணி நேரம்
மின்மடலாட – 1 மணி நேரம்
அரட்டையடிக்க – அரை மணி நேரம்
பின்னூட்டமிட – ரெண்டு நிமிஷம்
வோர்ட் வெரிஃபிகேஷன் தட்டச்ச – மூணு நிமிஷம்
தவறான வார்த்தையை உள்ளிட்டதை சரி செய்து மீண்டும் தட்டச்ச – நான்கு நிமிஷம்

குழப்பமில்லாமல் தமிழ் இணையத்தை கில்லியில் பார்ப்பது – டைம்லெஸ் லெஸ் டைம்

எழுதத் தூண்டியது: மாஸ்டர் கார்ட் ப்ரைஸ்லெஸ் விளம்பரங்கள்

உங்களுக்கும் உருப்படியாகத் தோன்றினால் ‘விலைமதிப்பற்றது‘ தளத்துக்கு சென்று போட்டியில் கலந்துக்குங்க… பரிசுகளை அள்ளுங்க…

Tamil Blog | தமிழ் வலைப்பதிவு | தமிழ்ப்பதிவுகள்

பதவி சுகம் கண்ட பழைய முகங்கள்

“காங்கிரஸ் கட்சிப் பணிக்கு மூத்தவர்கள் வர வேண்டும். அரசியல் பதவிகள் புதியவர்களுக்கு தர வேண்டும்’ என்று காமராஜர் அறிவித்துவிட்டு, முதல்வர் பதவியை துறந்தார். அப்படிப்பட்ட வாய்ப்பில் தான் பக்தவச்சலம் முதல்வராக வர முடிந்தது.

எஸ்.ஆர்.பாலசுப்பிரமணியம்: இவர் இரண்டு முறை எம்.எல்.ஏ., தேர்தலிலும், ஒரு முறை எம்.பி., தேர்தலிலும் போட்டியிட்டு தோல்வி அடைந்தவர். ஒரு முறை எம்.பி., தேர்தலில் வெற்றி பெற்று மத்திய அமைச்சராகவும் பணியாற்றியுள்ளார். மூன்று முறை (15 ஆண்டுகள்) எம்.எல்.ஏ., பதவியும் வகித்து தற்போது சட்டசபை தலைவராக பணியாற்றி வருகிறார்.

குமரி அனந்தன்: இவர் இரண்டு முறை எம்.பி., தேர்தலிலும், எம்.எல்.ஏ.,தேர்தலில் ஒரு முறையும் போட்டியிட்டு தோல்வி அடைந்தார். இவர் ஐந்து முறை எம்.எல்.ஏ.,வாக இருந்து மொத்தம் 19 ஆண்டுகள் பணியாற்றியுள்ளார்.

டென்னிஸ்: ஆறு முறை எம்.பி.,யாக பணியாற்றி ஒரு முறை எம்.பி., தேர்தலில் தோல்வி அடைந்தவர். இவரும் 19 ஆண்டுகள் பதவியில் இருந்துள்ளார்.

நாகர்கோவில் மோசஸ்: ஒரு முறை ராஜ்யசபா எம்.பி.,யாகவும், மூன்று முறை எம்.எல்.ஏ.,வாகவும் பணியாற்றியுள்ளார். ஒரு முறை எம்.எல்.ஏ., தேர்தலில் தோல்வி அடைந்துள்ளார். இவரும் 19 ஆண்டுகள் பணியாற்றியுள்ளார்.

கோவை வீ.கே.லட்சுமணன்: ஒரு முறை எம்.எல்.ஏ., தேர்தலில் போட்டியிட்டு தோல்வி அடைந்துள்ளார். மூன்று முறை எம்.எல்.ஏ.,வாக 15 ஆண்டுகள் பணியாற்றியுள்ளார்.

ஊட்டி எச்.எம்.ராஜூ: இவர் ஒரு முறை எம்.எல்.ஏ., தேர்தலில் போட்டியிட்டு தோல்வி அடைந்தார். மூன்று முறை எம்.எல்.ஏ.,வாக 15 ஆண்டுகள் பணியாற்றியுள்ளார்.

யசோதா: மூன்று முறை எம்.எல்.ஏ.,தேர்தலில் வென்று 15 ஆண்டுகளாக பதவி வகித்து வருகிறார்.

கே.ஆர்.ராமசாமி: திருவாடனையில் இவர் தொடர்ந்து நான்கு முறை எம்.எல்.ஏ.,வாக 17 ஆண்டுகள் பணியாற்றியுள்ளார்.

வேலூர் ஞானசேகரன்: இவர் தொடர்ந்து மூன்று முறை எம்.எல்.ஏ.,வாக 15 ஆண்டுகள் பணியாற்றியுள்ளார்.

நிலக்கோட்டை பொன்னம்மாள்: இவர் நான்கு முறை எம்.எல்.ஏ.,வாக தேர்ந்தெடுக்கப்பட்டு 17 ஆண்டுகள் பணியாற்றியுள்ளார்.

ரிஷிவந்தியம் சிவராஜ்: இவர் ஒரு முறை எம்.எல்.ஏ., தேர்தலில் போட்டியிட்டு தோல்வி அடைந்துள்ளார். மூன்று முறை எம்.எல்.ஏ.,வாக 15 ஆண்டுகள் பணியாற்றியுள்ளார்.

பாரமலை: இரண்டு முறை தோல்வி அடைந்து மூன்று முறை எம்.எல்.ஏ.,வாக 15 ஆண்டுகள் பணியாற்றியுள்ளார்.

சுதர்சனம்: இவர் மூன்று முறை வெற்றி பெற்று 15 ஆண்டுகள் எம்.எல்.ஏ.,வாக பணியாற்றியுள்ளார்.

வள்ளல்பெருமான்: மூன்று முறை எம்.பி.,யாகவும் பணியாற்றியுள்ளார். இரண்டு முறை எம்.பி., தேர்தலில் போட்டியிட்டு தோல்வி அடைந்துள்ளார். தற்போது எம்.எல்.ஏ.,வாக பணியாற்றி வரும் வள்ளல் பெருமான், எம்.பி.,யாக மட்டும் 17 ஆண்டுகள் பணியாற்றியுள்ளார்.

நிழற்படத்தைக் க்ளிக்கினால் பெரிய படம் தெரியும்…

ஒரு மிருகம் கூட்டை விட்டுத் தப்பிச்சுடுச்சா?

வெளியான ஈ-தினசரி: தமிழ் முரசு

எதிர்மறை விளம்பரம் திமுக-விற்கு மட்டும் சொந்தமா?

நுணுக்கிப் படிக்கத் தெரிந்தவர்கள்தான் அதிமுக அனுதாபிகளா?

வெளியான ஈ-தினசரி: தினகரன்

தேர்தல் 2006 | TN Elections | தமிழ்ப்பதிவுகள்