Category Archives: ஜனநாயகம்

1. விஸ்கான்சினில் ஹில்லரியின் அம்பு. ‘விவாதம் செய்ய அழைத்தால், ஒபாமா ஓடி ஒளிந்து கொள்கிறார்’ என்கிறார். ‘வெறும் வெட்டிப்பேச்சு உதவுமா’ என்று அஸ்திரம் பலமாகிறது:

அதன் தொடர்ச்சி:

2. சென்ற டிவி விளம்பரத்திற்கான பதிலடி. ‘பழைய குருடி; கதவைத் திறடி’ என்பது போல் அதே அரசியல் என்று சாடுகிறார்.

3. ஹில்லாரி க்ளின்டனின் நேர்மறையான விளம்பரம். எந்த விஷயங்களில் ஒபாமாவின் திட்டங்கள் சறுக்குகின்றன என்பதைத் தெளிவாக்குகின்றன:

4. இது சும்மா ஜாலிக்கு… நக்கல் விட்டுக்கறாங்க:

5. இவர்களின் விளம்பரங்களைக் குறித்த நியு யார்க் டைம்ஸின் ஆய்வு (பெரிய செவ்வ்வாய்க்கு முன்பு தொகுக்கப்பட்டது)

அமெரிக்காவின் தலைசிறந்த பத்து பெண்மணிகளுள் ஒருவராக அறியப்படுவரும் பெரும் மதிப்புக்குரியவருமான கவிஞர் மாயா ஆஞ்சேலூ ஹில்லரியை ஆதரித்து ஒரு பேச்சை வெளியிட்டிருக்கிறார். ஆஞ்சேலூ ஓப்ரா வின்ஃப்ரீக்கு (ஒபாமாவின் பிரச்சார பீரங்கி) மிகவும் நெருக்கமானவர். “ஒப்ரா எனக்கு மகளைப் போன்றவள்; ஆனால் என்னுடைய நகலாக்கமல்ல” என்று சொல்கிறார். ஒபாமாவை வெறுக்கக் காரணம் ஏதுமில்லை. ஒரு பெண் என்ற வகையில் – ஒரு நல்ல பெண் எப்படியிருக்க வேண்டும் எனபதற்கு உதாரணமாக விளங்குவதால் நான் ஹில்லரியை ஆதரிக்கிறேன் என்கிறார்.

எதிர்மறை விளம்பரங்கள் எப்படி செய்வது என்பதை குடியரசு கட்சியிடமிருந்து கற்றுக் கொள்ள வேண்டும்.

ஜனநாயக் கட்சியின் முன்னணி வேட்பாளர் பராக் ஒபாமாவைத் தாக்கிய வாழ்த்து அட்டை:

மற்றொருவரான ஹில்லரி க்ளின்டன் தலைவரானால் என்ன நடக்கும் என்று பயமுறுத்தும் காதலர் தின ஸ்பெஷல்:

நன்றி: The Page – by Mark Halperin – TIME: Formulas: 66%-34%

இது ஒபாமாவின் கணக்கு வழக்கு:

இது ஹில்லாரி க்ளின்டனின் வழி:

நீங்க பெட் கட்ட தயாரா? ஜனநாயகக் கட்சி சார்பாக ஒபாமா வேட்பாளரானால், உதவிக்கு ஹில்லாரியை சேர்த்துக் கொள்வாரா? மெகெயின் நிஜமாகவே ஜெயித்துவிட்டாரா?

தற்போதைய பந்தய நிலவரப்படி:

உப ஜனாதிபதிக்கு – கடைசியில் யார் வெல்வார்கள்?

ஹில்லரி க்ளிண்டன் – 12/1
ஜான் எட்வர்ட்ஸ் – 11/1
பராக் ஒபாமா – 9.5/1
பில் ரிச்சர்ட்சன் – 9.5/1
சார்லி க்ரிஸ்ட் – 10/1
மைக் ஹக்க்பி – 9/1
மிட் ராம்னி – 19/1
ஜோ லீபர்மன் – 15/1
ஃப்ரெட் தாம்ஸன் – 20/1
ரூடி ஜியூலியானி – 19/1
ரான் பால் – 79/1
மைக்கேல் ப்ளூம்பெர்க் – 11.5/1
காண்டலீசா ரைஸ் – 21/1
டெனிஸ் குசினிச் – 16/1
சக் ஹேகல் – 16.5/1
கே பெய்லி ஹட்சின்ஸன் – 41/1
ஜான் மெகெயின் – 190/1

ஆதாரம்: Betfair.com: 2008 Presidential Election – Next Vice President

தொடர்புள்ள பத்திகள்:

1. Who will McCain’s VP be? | Deadline USA | Guardian Unlimited: Idle speculation about the Republican vice-presidential candidates

2. McCain’s Veep Options – WSJ.com: The Arizona senator will want a running mate with Reaganite credentials. – By PAT TOOMEY

3. Washington Wire – WSJ.com : McCain: No Need for Regional Balance for VP

நன்றி: Political betting | Second favourites | Economist.com: Have a punt on America’s next vice-president

நேற்றைய வாக்கெடுப்பில் வர்ஜினியா மாகாணத்தில் ஒபாமாவுக்குக் கிடைத்த வாக்குகள் 623,141. குடியரசுக் கட்சிகளின் ஒட்டுமொத்த வாக்குகளின் எண்ணிக்கை 481,970 தான். ஒபாமாவின் வாக்குகள் எதிர்க்கட்சியின் மொத்த வாக்குகளுக்கும் மேலாக இருக்கிறது.

இரு கட்சிகளின் வாக்குகளை ஒப்பிட்டுப் பார்த்தால், ஜனநாயகக் கட்சியின் மொத்த வாக்குகள், குடியரசுக் கட்சியின் மொத்த வாக்குகளின் இரண்டு மடங்கைவிட அதிகம். இது குடியரசுக் கட்சிக்காரர்களின் மனதில் ஒரு திகிலை ஏற்படுத்தியுள்ளது. வர்ஜினியா மாகாணம் இதுவரை ஜனநாயகக் கட்சிக்கு சார்பாக வாக்களித்ததில்லை.

சென்ற1964-ம் ஆண்டில் லிண்டன் ஜான்ஸன் வென்றபோதுதான் இந்த அதிசயம் நடந்திருப்பதாக அறியக்கிடைக்கிறது. இந்த நிலை இப்படியே நீடித்தால், swing states என்று சொல்லப்படுகிற மிஸ்ஸூரி, ஐயோவா, நியூ மெக்ஸிகோ மாகாணங்களில் என்ன நடக்கும்?

ஏன்? உடனடியாகத் தோன்றிய எண்ணங்கள்:

1. உருப்படியாகப் பேசுகிறார். வெற்று சவடால், புறக் கவர்ச்சி, பிரச்சார பூச்சு இல்லாமல், ஜாலமாக வாய்ப்பந்தலிடாமல் புள்ளிவிவரங்களுடன் ‘என்ன செய்யப் போகிறேன்?’ என்பதை பிட்டு வைக்கிறார் என்பதற்காக…
2. அனுபவம். சபையறிந்து சமயோசிதமாக விவாதம் நடத்துதல், செனேட்டராக, முன்னாள் ஆளுநர் & ஜனாதிபதி க்ளின்டனின் மனைவியாக, பெண்களின் உள்ளக்கிடக்கைகளை அனுபவித்தவராக இருக்கிறார் என்பதற்காக…
3. ஒபாமா என்பது மயிற்பீலிகளால் எழுப்பப்படும் மாளிகை. அன்றைய மோனிகா லூயின்ஸ்கி முதல் இன்றைய அயோவா சறுக்கல் போன்ற பல சம்பவங்களில் நெஞ்சுரத்துடன் எதிர்க்கட்சி தாக்குதல்களையும் அவதூறுகளையும் திறனாகத் தாங்கி, மக்களை தன் பக்கம் வசமாக்கக் கூடியவர் ஹில்லரி க்ளின்டன் என்பதற்காக…
4. ஆளுமை. அழ வேண்டிய நேரத்தில் சிறிதாக நீர்த்துளி இறைத்து, புருஷனை கொம்பு சீவ வேண்டிய நேரத்தில் ஏவி, சொந்தப் பணத்தை கொடுக்க வேண்டிய நேரத்தில் தாரை வார்த்து, தலைமைப் பண்புகள் அனைத்தும் இயல்பாக வாய்க்கப்பெற்றவர் என்பதற்காக…
5. வயது. ஒபாமாவிற்கு இன்னொரு வாய்ப்பு கிடைக்கக்கூடும். மீண்டும் ப்ரைமரி பந்தயத்தில் தம் கட்டலாம். இன்னொரு பெண் வேட்பாளர் கிடைக்கும் அறிகுறி எதுவும் இல்லாத இந்த சூழலில் 61 வயது நிறைந்த ஹில்லரிக்கு தூஸ்ரா வராமல் போகலாம் என்பதற்காக…
6. அரசியல்வாதி. பொதுஜனத்துடன் இணைந்து பழகி நெஞ்சில் நிறுத்தி நெருங்க வைப்பது இயல்பாக எழும் சமூக ஆர்வத்தின் பங்கு என்றால், வெல்லவேண்டிய நேரத்தில் வெற்றிக்கான உபாயங்களை ட்ரம்ப் சீட்டாய் இறக்கி தேர்ந்த அரசியல் செய்யத் தெரிந்தவர் என்பதற்காக…
7. ஆண்கள்தான் அலைபாயக் கூடியவர்கள்; பெண்கள் வாக்கு சிந்தாமல், சிதறாமல் வந்து சேரும். ஒபாமாவை துணை ஜனாதிபதிக்கு சேர்த்துக் கொள்ளாவிட்டால் கூட எப்படியும் ஆப்பிரிக்க-அமெரிக்கர்கள், குடியரசு கட்சி பக்கம் சுண்டுவிரல் கூட சாய்க்க மாட்டார்கள் என்பதற்காக…
8. பண்பட்டவர். செனேட்டர் தேர்தலில் நின்றபோது, ‘இறுக்கமாக இருக்கிறார்’ என்னும் குற்றச்சாட்டு எழுந்தவுடன் அச்சங்களை உதறி வாக்காளர்களோடு இயைபாக பழகியவர்; க்ளின்டன் ஆட்சியில் நிறைவேற்ற முடியாத, ஆனால் காலப்போக்கில் அதைவிட மேம்பட்ட உடல்நலக் காப்பீட்டுத் திட்டங்களை முன்வைப்பவர்; இல்லத்தரசியலில் இருந்து இரும்புக் கோட்டை டி.சி. வரை கண்டுணர்ந்து சாதாரணர்களின் அன்றாட வாழ்க்கையை அனுபவித்தவர் என்பதற்காக…
9. முன்னணி வேட்பாளர். பில் ரிச்சர்ட்சன் போன்ற அடக்கம் இருந்தால் மட்டும் போதாது; சகா ஜோசெப் பிடன் போன்ற அயல் அனுபவம் இருந்தால் மட்டும் பத்தாது. க்ளின்டன் என்னும் The Distinguished Gentleman போன்ற புகழ்பெற்ற பெயர் பெற்று வாஷிங்டனில் மாற்றத்தைக் கொணரக் கூடியவர் என்பதற்காக…

ஹில்லரி க்ளின்டன் வேண்டும்.

தொடர்புடைய இடுகை: ஒபாமா வெல்லட்டும் – வெங்கட்

‘போடுங்கம்மா ஓட்டு, ரெட்டை இலையப் பார்த்து!’ என்பது அதிமுக முழக்கம்.

‘சொல்வதைச் செய்வோம்; செய்வதைச் சொல்வோம்’ – திமுக.

இனி அமெரிக்க விசிலடிச்சான் குஞ்சுகள்:

Change You Can Believe In; Stand for Change:

Candidate Of Change:

Agent of Change:

தொடர்புள்ள ஒலிப்பதிவு: NPR: 'Change': An Empty Word in the 2008 Campaigns?

அமெரிக்காவில் இன்று நடந்த ஜனாதிபதி வேட்பாளர்களுக்கான தேர்தல்களில் குடியரசு கட்சி சார்பாக ஜான் மெக்கெயினும், ஜனநாயகக் கட்சி சார்பாக பராக் ஒபாமாவும் வென்றனர்.

ஒபாமா கடந்த எட்டு மாகாணங்களைத் தொடர்ச்சியாக வென்றதன் மூலம் பெரும்பான்மை பிரதிநிதிகளை ஹில்லரி க்ளின்டனிடமிருந்து கைப்பற்றியிருக்கிறார். எனினும் மார்ச் 4 நடக்கும் அடுத்த கட்ட ப்ரைமரிகளில் ஹில்லாரி தலைதூக்கினால் மீண்டும் முன்னிலை பெறமுடியும்.

அடுத்த செவ்வாய் அன்று, இரண்டு மாகாணங்கள் – விஸ்கான்சினும் ஹவாயும் வாக்களிக்க இருக்கிறது.

மார்ச் நான்கு வாக்குப்பதிவு நடக்க இருக்கும் டெக்சாஸில், இன்று நடந்த மேரிலாந்து மாகாணம் போலவே – பெருமளவில் ஆப்பிரிக்க-அமெரிக்கர்கள் இருப்பதும் அவர்களில் பெரும்பானமையோர் ஒபாமாவுக்கு வாக்களிப்பதும் குறிப்பிடத்தக்கது.

அனைத்துப் போட்டிகளிலும் வென்றதன் மூலம் மெகெயின் பலமடைந்திருந்தாலும், வெர்ஜீனியாவில் இழுபறியாக ஊசலாடி நூலிழையில் மைக் ஹக்கபீயை தோற்கடித்திருக்கிறார். எவாஞ்சலிகல் கிறித்துவர்களின் வாக்கையும், குடியரசு கட்சியின் பாரம்பரிய (பழமைவாத) வாக்காளர்களின் நம்பிக்கையைப் பெறவும் மேலும் முயற்சியெடுக்க வேண்டும் என்று நோக்கர்கள் அபிப்ராயம் தெரிவித்துள்ளார்கள்.