Snap Judgment

‘போடுங்கம்மா ஓட்டு, ரெட்டை இலையப் பார்த்து!’ என்பது அதிமுக முழக்கம்.

‘சொல்வதைச் செய்வோம்; செய்வதைச் சொல்வோம்’ – திமுக.

இனி அமெரிக்க விசிலடிச்சான் குஞ்சுகள்:

Change You Can Believe In; Stand for Change:

Candidate Of Change:

Agent of Change:

தொடர்புள்ள ஒலிப்பதிவு: NPR: 'Change': An Empty Word in the 2008 Campaigns?

அமெரிக்காவில் இன்று நடந்த ஜனாதிபதி வேட்பாளர்களுக்கான தேர்தல்களில் குடியரசு கட்சி சார்பாக ஜான் மெக்கெயினும், ஜனநாயகக் கட்சி சார்பாக பராக் ஒபாமாவும் வென்றனர்.

ஒபாமா கடந்த எட்டு மாகாணங்களைத் தொடர்ச்சியாக வென்றதன் மூலம் பெரும்பான்மை பிரதிநிதிகளை ஹில்லரி க்ளின்டனிடமிருந்து கைப்பற்றியிருக்கிறார். எனினும் மார்ச் 4 நடக்கும் அடுத்த கட்ட ப்ரைமரிகளில் ஹில்லாரி தலைதூக்கினால் மீண்டும் முன்னிலை பெறமுடியும்.

அடுத்த செவ்வாய் அன்று, இரண்டு மாகாணங்கள் – விஸ்கான்சினும் ஹவாயும் வாக்களிக்க இருக்கிறது.

மார்ச் நான்கு வாக்குப்பதிவு நடக்க இருக்கும் டெக்சாஸில், இன்று நடந்த மேரிலாந்து மாகாணம் போலவே – பெருமளவில் ஆப்பிரிக்க-அமெரிக்கர்கள் இருப்பதும் அவர்களில் பெரும்பானமையோர் ஒபாமாவுக்கு வாக்களிப்பதும் குறிப்பிடத்தக்கது.

அனைத்துப் போட்டிகளிலும் வென்றதன் மூலம் மெகெயின் பலமடைந்திருந்தாலும், வெர்ஜீனியாவில் இழுபறியாக ஊசலாடி நூலிழையில் மைக் ஹக்கபீயை தோற்கடித்திருக்கிறார். எவாஞ்சலிகல் கிறித்துவர்களின் வாக்கையும், குடியரசு கட்சியின் பாரம்பரிய (பழமைவாத) வாக்காளர்களின் நம்பிக்கையைப் பெறவும் மேலும் முயற்சியெடுக்க வேண்டும் என்று நோக்கர்கள் அபிப்ராயம் தெரிவித்துள்ளார்கள்.

முழுப் பதிவும் வாசிக்க…

• அரிசோனோ, கலிஃபோரினியா போன்ற இடங்களில் அதிகம் வாழும் லத்தினோ (ஸ்பானிய அல்லது போர்ச்சுகீசிய மொழி பேசும் மக்கள்; பெரும்பாலும் மத்திய/தென் அமெரிக்காவிலிருந்தோ மெக்சிகோவிலிருந்தோ குடியெர்ந்தவர்கள்) வாக்கு வங்கியைப் பெற காரணமாயிருந்ததாக டாயில் (Patti Solis Doyle) மாற்றப்பட்டிருக்கிறார்.
• லத்தீனோக்கள் அதிகம் வாழும் டெக்சாஸில், தற்போதைய நிலையில் ஹில்லரி கிளின்டன் முன்னிலை வகித்தாலும், இந்த மாற்றம் சறுக்க வைக்கலாம்.
• எனினும், ஆப்பிரிக்க – அமெரிக்கரை, தலைமைப் பதவிக்குக் கொண்டு வந்ததன் மூலம் ஒபாமாவின் கறுப்பின வாக்குகளை சிதறடிக்க முடியும்.

• மனைவி மிஷேல் வேண்டுகோளுக்கு செவிமடுத்த பராக் ஒபாமா, தன்னுடைய புகை பிடிக்கும் பழக்கத்தை நிறுத்த முயன்று கொண்டிருக்கிறார்.
• ஜான் எட்வர்ட்ஸின் ஆதரவைப் பெற ஜனநாயகக் கட்சி வேட்பாளர்கள் இருவரும் பெரும் முயற்சி எடுத்து வருகிறார்கள். கடந்த வியாழன் அன்று ஹில்லரி சந்தித்திருந்தார்; இன்று ஒபாமாவின் மண்டகப்படி.
• நாளைய ப்ரைமரிக்குப் பிறகு க்ளின்டனின் பிரதிநிதிகள் எண்ணிக்கையை ஒபாமா எட்டிப்பிடித்து விடுவார் என்கிறார்கள்; எனினும், மார்ச் மாசத்தில் நடக்கும் டெக்சாஸ், ஒஹாயோ மாகாணங்களில் தற்போதைக்கு ஹில்லரி பெரும் வாக்கு வித்தியாசத்தில் வெல்லலாம் என்று கணித்திருக்கிறார்கள்.

• குடியரசுக் கட்சியைப் போலவே ஜனநாயகக் கட்சியும், விகிதாச்சார பிரதிநித்துவ கணக்கெல்லாம் போட்டு சமநீதி வழங்காமல், வெற்றி பெற்றவருக்கே அனைத்து பிரதிநிதிகளையும் வழங்கி வந்திருந்தது. 1988 -ல் நடந்த ஜெஸ்ஸி ஜாக்ஸன் x மைக்கேல் டுகாகீஸ் போட்டிக்கு பிறகே இந்த முறை, தற்போதுள்ள நடைமுறைக்கு மாறியிருக்கிறது.
• எம்.எல்.ஏ/எம்.பி. போன்று மக்களால் தேர்ந்தெடுக்கப்பட்டவர்கள், கட்சி பெருசுகள் நிறைந்த பெரிய பிரதிநிதிகள் என்றழைக்கப்படும் சூப்பர் டெலகேட்ஸ் கையில்தான் இப்போதைக்கு ஜனநாயகக் கட்சியின் தேர்தல் முடிவுகள் கொடுக்கப்பட்டிருக்கின்றன.

• பெரிய பிரதிநிதிகளைக் கவர்வதிற்கான போட்டியில் ‘யார் மெக்கெயினுக்கு சரியான போட்டி’ என்று நிரூபிப்பதில் இரு வேட்பாளர்களும் கவனம் செலுத்துகிறார்கள். ‘நான் இதுவரை சந்தித்த அளவு அவதூறுகளை ஒபாமா அனுபவித்ததில்லை’ என்று ஹில்லாரியும்; ‘என் அளவுக்கு பணந்திரட்டும் சக்தியும், தெற்கு மாகாணங்களில் புதிய வாக்குகளையும் சேகரித்து வெல்லக்கூடியவர் எவருமில்லை’ என்று ஒபாமாவும் கட்சிப் பெரியவர்களிடம் நல்ல பெயர் எடுக்க முயல்கிறார்கள்.
• கொசுறு: முன்னாள் ஜனாதிபதிகளான பில் கிளின்டனையும் ஜிம்மி கார்டரையும், சிறந்த ‘பேசும் புத்தகத்திற்கான’ க்ராமிப் போட்டியில் ஒபாமா வென்று, முதல் பரிசைப் பெற்றுள்ளார்.

– பாலாஜி

முன்னாள் பிரச்சார இயக்குநர்:

இன்னாள் பிரச்சார இயக்குநர்:

செய்தி: Maine to Obama; Clinton Replaces Campaign Leader – New York Times

– பாலாஜி

ஜனநாயகக் கட்சி:

மெயின் – பராக் ஒபாமா: 59%; ஹில்லரி க்ளின்டன்: 40%

லூயிஸியானா – பராக் ஒபாமா: 57%; ஹில்லரி க்ளின்டன்: 36%

வாஷிங்டன் – பராக் ஒபாமா: 68%; ஹில்லரி க்ளின்டன்: 31%

நெப்ராஸ்கா – பராக் ஒபாமா: 68%; ஹில்லரி க்ளின்டன்: 32%

குடியரசுக் கட்சி:

கன்ஸாஸ் – மைக் ஹக்கபீ: 68%;ஜான் மெக்கெயின்: 24%; ரான் பால்: 11%

லூயிஸியானா – மைக் ஹக்கபீ: 43%;ஜான் மெக்கெயின்: 42%

வாஷிங்டன் – ஜான் மெக்கெயின்: 26%; மைக் ஹக்கபீ: 24%; ரான் பால்: 21%

– பாலாஜி

இன்றைய முன்னோட்டத் தேர்தல்களில் பராக் ஒபாமா பெரும் வெற்றியைப் பெற்றிருக்கிறார். இது நாடு முழுவதுமாக அவரது பரப்பு விரிவதைக் காட்டுகிறது. ஒரு வகையில் எதிர்பார்க்கப்பட்டது என்பதால் ஹில்லரி கிளிண்டனுக்கு ஏமாற்றம் அதிகம் இருக்காது.   மறுபுறம் இன்னும் முடிவுகள் வராத நிலையில் மெக்கெய்ன் திணறிக்கொண்டிருக்கிறார்.  ஹக்கபீ தொடர்ந்து விளையாடிக்கொண்டிருப்பதில் நியாயம் இருப்பதைப்போலத்தான் தோன்றுகிறது. இன்றைய முடிவுகளின் பாடம் என்று ஒன்று இருந்தால் அது மெக்கெய்ன் பொதுத்தேர்தலுக்குத் தயாராக தீவிர வலதுசாரி போக்குகொண்ட  நபரைத் துணைஅதிபருக்கு அறிவிக்க வேண்டும்.  இந்தத் தேர்தலில் இவாஞ்சலிக்கல், கருக்கலைப்பு எதிர்ப்பு உள்ளிட்ட பல குழுக்கள் மெக்கெய்னுக்கு எதிராக இருக்கின்றன.  இவற்றைச் சமாளிக்க அவருக்கு ஒரு வலதுகரம் தேவை.  இன்னொருபுறத்தில் மெக்கெய்ன் எதிர்ப்பு வாக்குகள் எல்லாம் ஒட்டுமொத்தமாக விழுவதால் ஹக்கபீ முன்னேற்றம் காணுவதைப் போல இருக்கிறது.  ஆனாலும் அவர் நீண்ட தூரம் போயாக வேண்டியிருக்கிறது.   

தொழில்நுட்பச் சட்டத்துறையின் முதன்மையானவர்களுள் ஒருவரான லாரென்ஸ் லெஸ்ஸிக் நான் ஏன் ஒபாமாவை ஆதரிக்கிறேன் என்று 20 நிமிடங்களில் விவரிக்கிறார். ஸ்டான்ஃபோர்ட் பல்கலைக்கழகத்தின் சட்டத்துறை பேராசிரியரான லெஸ்ஸிக் தளையறு வகையில் படைப்புகளைப் பகிர்ந்துகொள்ளவும், மேம்படுத்தவும் வழிவகுக்கும் Creative Commons அமைப்பை உருவாக்கியவர்களுள் ஒருவர்.  

விடியோவின் உரைவடிவம் இங்கே கிடைக்கிறது.  

இந்தக் கூட்டுப் பதிவைத் துவக்கக் காரணமாக இருந்த வெங்கட்டின் இந்தப் பதிவையும் அதற்கான மறுமொழிகளையும் வாசிப்பதிலிருந்து இந்தத் தளத்தில் செயற்பாடுகளைத் துவங்கலாம்.