Category Archives: Uncategorized

அமெரிக்காவில்…

32 நிமிடங்களுக்கு ஒரு முறை கொலை நிகழ்கிறது.

30 நிமிடங்களுக்கு ஒரு முறை போதையேறியவர் சாலை விபத்தை நிகழ்த்துகிறார்.

13 நிமிடங்களுக்கு ஒரு முறை மார்பக புற்றுநோயால் ஒருவர் இறக்கிறார்.

6 நிமிடங்களுக்கு ஒரு முறை வன்புணர்வு நிகழ்கிறது.

3 நிமிடங்களுக்கு ஒரு முறை identity திருடப்பட்டு பறி போகிறது.

ஒவ்வொரு நிமிடமும் ஒரு கொள்ளை நிகழ்கிறது.

18 விநாடிகளுக்கு ஒரு முறை பெண் வன்முறைக்குள்ளாகிறாள்.

2 விநாடிகளுக்கு ஒரு முறை வழிப்பறி நடக்கிறது.

பின்குறிப்பு: இந்தியாவில் இது மாதிரி புள்ளிவிவரங்களை சேமித்து, விளம்பரப்படுத்துவதில்லை

குற்றம் | கணக்கு | அமெரிக்கா | புள்ளிவிவரம் | தமிழ்ப்பதிவுகள்

மூன்று படங்களை குறித்து எழுதலாம்.

மூன்றுக்கும் உள்ள ஒற்றுமை ஸ்பெஷல் எஃபக்ட்ஸ்.

இரண்டு படங்களுக்குள் உள்ள ஒற்றுமை கடவுள் நம்பிக்கை. பிறிதொரு இரண்டுக்குள்ள ஒற்றுமை குழந்தைகள் படம். கிறித்துவத்தைப் பின்னணியாகக் கொண்ட இரண்டு படங்களிலும், டில்டா ஸ்விண்டன் (Tilda Swinton) இருக்கிறார்.

கான்ஸ்டாண்டின்-ஐ (Constantine) சுருக்கமாக சொன்னால் ‘கிங் காங்’ இயக்குநரை ‘பொட்டு அம்மன்’ எடுக்க வைத்தால் எப்படி இருக்கும்!?

நார்னியா-விற்கு (The Chronicles of Narnia: The Lion, the Witch and the Wardrobe) ‘ஆறு’ ஹரியை குழந்தைகளுக்காக இயக்க வைத்தால் எப்படி இருக்கும்!

கடைசியாக, ஹாரி பாட்டர் (Harry Potter and the Goblet of Fire). திரையரங்குக்கு சென்று படம் பார்க்க வேண்டியதை ஹாரி பாட்டர் விடாமல் கோருகிறார். இந்தப் பதிவின் மற்ற இரண்டு படங்களைப் போலவே, ‘ஏன், எதற்கு, எப்படி?’ என்பதை யோசிக்காமல் பார்த்தாமல் ரசிக்கலாம். புத்தகத்தைப் படித்தால்தான் புரியாத மீதி ஹாரி விளங்குவார் போலத் தெரிகிறது.

விறுவிறுவென்று பறக்கும் ஹாரிக்கு நேர் எதிர்மாறாக ‘நார்னியா’ தாலாட்டுகிறது. குழந்தைகள் படம் என்பதால் ‘தவமாய் தவமிருந்து’ கலைப் படம் போல் அன்னநடை நடக்கிறதா என்றால், வெட்டு, குத்து, ஓநாய் என்று சத்தமாக படம் நெடுக பூச்சாண்டி காட்டுகிறார்கள். விமர்சனங்களில் படித்தால்தான் சிங்கம் என்பது யேசு கிறிஸ்துவையும், சூனியக்காரி சாத்தானையும் குறிப்பதாக புரிகிறது.

‘நார்னியா’ – சுவாரசியமாக, படிமங்களாக, அசத்தலாக, ரசிக்கக் கூடிய சாத்தியக்கூறுகளைக் கொண்ட கதை. உள்ளடக்கம் அருமையாக உள்ள வலைப்பதிவில் டெம்பிளேட் கண்ணை உறுத்துவது போல் மாயாஜாலக் காட்சிகள் வெறுப்பேற்றுகிறது. எட்டு வயசுக் குழந்தைக்கு கத்தி கபடா எல்லாம் கொடுத்து ‘லாஜிகல் ரியலிஸம்’ என்பதை ‘மேஜிகல் அன்ரியலிஸம்’ ஆக்கியிருக்கிறார்கள்.

நல்லவர்கள் வாழ்வார்கள்; தீயவர்கள் அழிவார்கள் என்று ‘நார்னியா’ குழந்தைகளுக்கு சொன்னதை, அமர்க்களமான நரகத்துடனும், சப்பு போட வைக்கும் பிசாசுகளுடனும், ‘மேட்ரிக்ஸ்’ ரக தத்துவங்களுடனும் ‘கான்ஸ்டாண்டின்’ போதிக்கிறார்.

சொர்க்கமும் நரகமும் பூமியில்தான் இருக்கிறது. நம் காதில் அவ்வப்போது சாத்தான் வேதம் ஓதும். நாம் அப்போது உள்ளிருக்கும் மிருகத்தை உசுப்புகிறோமா அல்லது அடக்கி ஆள்கிறோமா என்பதில்தான் தேவதைகள் வெற்றி பெறுகிறார்கள்.

செய்தித்தாள்களைத் தடவினாலே முழுவதும் படித்து விடும் ஹெனிஸி; தண்ணீரைக் கொண்டு பரலோகத்தை அடைந்து திரும்புவது; பூதங்களை கண்ணாடிக்குள் அடைப்பது; ஊழை நிர்ணயிக்கும் யேசுவைக் கொன்ற ஈட்டி (Spear of Destiny); ஹாரி பாட்டரின் விநோதங்கள் போன்ற சொறிவண்டு தீப்பெட்டி பொம்மைகள் நிறைந்த டக்கர் ஜிங் படம்.

படத்தில் இருந்து சில வசனங்கள்:

டிசம்பர் 14, இந்தியா டுடே இதழில் ‘அசோகமித்திரன் கட்டுரைகள்‘ குறித்து பிஏ கிருஷ்ணன் எழுதியிருக்கிறார். அதில் இருந்து:

விக்ரம் சேத்தின் எழுத்தைப் பற்றி அசோகமித்திரன் குறிப்பிடும்போது அவரது எழுத்து, வாசகரின் கண்ணைக் கூசச் செய்வதில்லை என்று சொல்கிறார். அ.மி.யின் எழுத்துக்கும் இந்தக் கூற்று நிச்சயம் பொருந்தும்.

தமிழ்த் திரைப்படங்களைப் பற்றி அ.மி. சொல்கிறார்: தமிழ்த் திரைப்படங்களைக் கிண்டல் செய்ய அவ்வளவு ஆற்றல் தேவையில்லை. படத்தின் கதைச் சுருக்கத்தை எழுதினால் போதுமானதாக இருக்கும்.

கலைஞரின் பராசக்தி குறித்து அ.மி.: புணர்ச்சிக்குப் பின் ஆணைக் கொன்று தின்றுவிட்டு, முட்டையிடலுக்குப் பின் தானும் மடிந்துவிடும் ஒரு கொடூர வகைப் பூச்சி போல பராசக்தி, சினிமாவையும் பின் தள்ளிவிட்டு தமிழ் மேடை நாடகத்தையும் குற்றுயிரும் கொலையுயிருமாகச் செய்துவிட்டது.

என்னுடைய கொசுறு: (இ.பா.வின் குருதிப்புனல் குறித்த கட்டுரையில் – பக்கம் 457) பொதுவாகவே இலக்கியப் பத்திரிகைகளுக்கு ஓர் எழுத்தாளர் இரண்டாவது படைப்பை வெளிக்கொண்டு வரும்போதே அந்த எழுத்தாளர் மீது அசிரத்தை வந்துவிடுகிறது.

asokamithiran | PAK | தமிழ்ப்பதிவுகள்

தேவதச்சனைக் குறித்து புத்தக அலமாரியில் மேயப் போனால் ‘குளத்துக்கரையேறாத கோபியர்கள்’ தேவதேவன் வந்து நின்றார். அவரைக் குறித்த நகுலனின் கட்டுரை:

‘நுழைவாயிலிலேயே நின்றுவிட்ட கோலம்‘ தேவதேவனின் ஐந்தாவது கவிதைத் தொகுதி. பொருத்தமாக ‘பிரமிளுக்கு’ என்று குறிப்பிடப்பட்டிருக்கிறது. மொத்தம் 15 கவிதைகள். மீண்டும் தேவதேவன் குறிப்பிட்டிருக்கிறபடி கவிதையைக் கவிதைதான் மதிப்பிட முடியும். இந்த வகையில் இத்தொகுதி ஒரு சாதனை.

கவிதைகள் முழுவதும் ஓடும் சரடு பல்வேறு வகைகளில் இயந்திர நாகரீகம் இயற்கையை – சூழ்நிலையை எவ்வாறு எவ்வெவ்வகைகளில் சூறையாடுகிறது என்பதைத் திறமையாகக் காட்டுகிறது.

சரளமான மென்மையான நடை, பகட்டு ஜ்வலிப்பு இல்லாத வார்த்தைத் தேர்வு. படிமங்கள் அவை செல்லும் பாதைகளுக்கேற்ப பொருள் வேறுபாடுகள் கொள்ளும் நேர்த்தி. தேவதேவன் சில வார்த்தைகளை மிகத் திறமையுடன் படைத்திருக்கிறார். அவற்றுள் ஒரு சில:

சுகுமாரன் எழுதிய ‘இந்தியா டுடே’ விமர்சனத்தில் இருந்து:

தேவதச்சனின் ‘அவரவர் கைமணல்’ (கவிதை தொகுப்பின் தலைப்பு) பிரயோகம் மிக வசீகரமானது. பலரையும் தூண்டிய சொற்சேர்க்கை அது.

‘அவரவர் வானம்’ (மெய்ப்பொருள் – வண்ணநிலவன்)
‘அவரவர் வீடு’ (பயணியின் சங்கீதங்கள் – சுகுமாரன்)
‘அவரவர் உலகம்’ (கணையாழி ஏப்ரல் 1994 – பொன்னாண்டான்)
‘அவரவர் ஏமாற்றம்’ (கவனம் இதழ் 4 1981 – ஷங்கரராமன்)

எனப் பலரும் தேவதச்சனை அடியொற்றி அவரவர் வரிகளை உருவாக்கிக் கொண்டிருப்பதை எடுத்துக்காட்டாக சொல்லலாம்.

கடைசி டினோசார்
தேவதச்சன்
உயிர்மை பதிப்பகம்
பக்கங்கள்: 166
விலை: ரூ. 85/-

தமிழ்ப்பதிவுகள்

காலையில் பனிபொழிவைப் பார்த்தவுடன் இந்தப் பாடல் முணுமுணுக்கத் தோன்றியது. சென்னையில் எப்பொழுது பனி பெய்ந்திருக்கிறது என்னும் முரண்நகை தோன்றினாலும், சென்ற வாரம் சென்னைக்கு ரிலையன்ஸிய போது ‘சென்னை இப்போ ரொம்ப குளிரா இருக்குத் தெரியுமோ… காலையில் ஸ்வெட்டர் இல்லாமல் கால் வைக்க முடியல!’ என்பது மேலும் சிரிப்பை வரவழைத்தது. கொஞ்ச நாளாச்சே உல்டா செய்து என்று பாடலை மாற்றிப் போட்டாச்சு!

பனி இல்லாத பாஸ்டனா
படை எடுக்காத அமெரிக்காவா
இனிப்பில்லாத ஸ்வீட்டனரா
இசை இல்லாத ஓசையா

அழகில்லாத மாடலா
ஆசை இல்லாத வலைப்பதிவரா
மழை இல்லாத ஷ்ரேயாவா
மலர் இல்லாத பொக்கேவா

தலைவன் இல்லாத ஆட்சியா
தலைவி இல்லாத கட்சியா
கலை இல்லாத கலைஞரா
காதல் இல்லாத திரைப்படமா

கொலை செய்யாது ஓடுவதும்
கனிவில்லாமல் போடுவதும்
பகைவர் போலே ஏடுவதும்
பதிவர் செய்யும் அரசியல் அல்லவா

அசல் பாடல்: பனி இல்லாத மார்கழியா :: ஆனந்த ஜோதி – டி.எம்.எஸ் & பி சுசிலா : கண்ணதாசன் – விஸ்வநாதன் & ராமமூர்த்தி (1963) – Music India OnLine

உல்டா | குசும்பு | தமிழ்ப்பதிவுகள்

சுற்றுப்புறத்துக்கு மதிப்பு கொடுப்பதில் அமெரிக்கா ஓரளவு விதிகளைப் பின்பற்றியே வருகிறது. தன்னார்வ நிறுவனங்களின் லாபிகளுக்கு பயந்தோ, சுதந்திர கட்சி உறுப்பினர்களின் கொள்கைகளுக்காகவோ, உலகத்திலேயே மிக அதிகமாக குப்பைகளையும் கழிவுகளையும் போடுகிறோம் என்பதாலோ, ‘எரின் ப்ராகொவிச்’ போன்ற ப்ரெட்டி வுமன் திரைப்படங்களாலோ…

கத்ரீனா வந்து நியு ஆர்லியன்ஸை சின்னாபின்னம் ஆக்குவதற்கு முன்பு வரை சிரமம் பாராமல், பங்குச்சந்தை நலன் மட்டுமே கவனத்தில் எடுத்துக் கொள்ளாமல், பணத்தை விரயமாக எண்ணாமல், சட்டத்துக்கு பயந்து, கழிவுகளை சுத்தம் செய்தே வெளியேற்றினார்கள்.

லூஸியானா சுத்தம் செய்வதற்காகவும் புயல் கடந்த அவசரநிலை காலகட்டத்திலும் சுற்றுப்புற சூழல் விதிகளை தள்ளுபடி செய்துவிட்டார்கள். போன்சர்ட்ரன் ஏரியில் (Lake Pontchartrain) அதிகப்படியான அசுத்தமான வெள்ள நீரை கலந்து விடுவதற்காகவும், இறந்து போன கால்நடைகளையும் செல்லப்பிராணிகளை எரிக்கவும், மட்டுமே பெரும்பாலும் உபயோகப்படும் என்று காரணம் காட்டி துயரநிலை நிவாரணமாக விதி விலக்கு கொடுக்கப்பட்டது.

கூடவே எரிவாயு நிறுவனங்களின் மாசுக்கட்டுப்பாட்டுக்கும் தாற்காலிக விலக்கு கிடைத்தது. (இதன் தொடர்ச்சியாக லூஸியானா செனேட்டர்கள் நிரந்தர விலக்குகளை முன்வைத்திருக்கிறார்கள்.)

கேன் பர்தூ-வின் (Cain Burdeau) சமீபத்திய கட்டுரையில் எக்ஸானின் வரலாறு காணாத பத்து பில்லியன் டாலருக்கான லாபம், இந்த தளர்த்தல்களால்தான் கிடைத்திருக்கிறது என்கிறார்.

அயல்நாட்டு நிறுவனங்களின் வருகையால் மென்பொருள் எழுத்தாளரின் சம்பளம் நாளொரு ஆயிரமும் பொழுதொரு லகரமுமாக கூடி வருவது போல், அமெரிக்காவில் பெட்ரோல் விலை எகிறிக் கொண்டிருந்த காலத்தில்தான் கத்ரீனா புயல் வீசியது. எரி பொருள் உற்பத்தியைக் கூட்ட வேண்டுமானால், நச்சுகளைக் கண்டு கொள்ளக்கூடாது என்று பல எண்ணெய் நிறுவனங்களும் U.S. Environmental Protection Agency-ஐ மிரட்டி தங்கள் லாபத்தை பெருக்கிக் கொண்டது.

எக்ஸான், ஷெல், பிரிட்டிஷ் பெட்ரோலியம், செவ்ரான், கொனொகோ-பிலிப்ஸ், மாரதான் ஆகியோர் ஜூலை ஆரம்பித்து செப்டம்பர் முடிய மூன்று மாதத்தில் முப்பத்தி மூன்றரை பில்லியன் டாலர் லாபம் கண்டிருக்கிறார்கள்.

நிறுவனம் – லாபம் – கடந்த மூன்று மாதகால லாபத்தில் அதிகரித்த சதவிகிதம்

எக்ஸான் – 9.9 பில்லியன் டாலர் – 75 % அதிகரிப்பு
ராயல் டட்ச் ஷெல் – 9 பில்லியன் டாலர் – 68 % அதிகரிப்பு
பிரிட்டிஷ் பெட்ரோலியம் – 6.5 பில்லியன் டால்ர் – 34 % அதிகரிப்பு
செவ்ரான் – 3.6 பில்லியன் டால்ர் – 12 % அதிகரிப்பு
கொனொகோ-பிலிப்ஸ் – 3.8 பில்லியன் டால்ர் – 90 % அதிகரிப்பு
மாரதான் – 770 மில்லியன் டால்ர் – 247 % அதிகரிப்பு

‘எண்ணெய் கிடங்குகளில் வெளியாகும் நச்சுப்புகைகள் குறித்த தகவல்களை தாமதமாக தருவதன் மூலம்தான் உற்பத்தியை பெருக்க முடியும்’ என்று மிரட்டியே எக்ஸான் போன்றவர்கள் காரியத்தை சாதித்துக் கொண்டு விட்டதாக, EPA-வின் ஹ்யூக் கௌஃப்மன்-னும்(Hugh Kaufman) ஒத்துக் கொண்டிருக்கிறார்.

எல்லாம் சிரியானா மயம்.

தமிழ்ப்பதிவுகள்

Lee Raymond & Exxon – Greenpeace 

ரொம்ப நாள் கழித்து (மூன்று மாதமாவது இருக்கும்) சன் செய்திகள் பார்க்கும் வாய்ப்பு கிடைத்தது. DVR வந்தபிறகு சன் செய்திகளும் சீரியல்களும் பார்க்க முடிவதில்லை.

புதிய நீதிக் கட்சியின் ஏசி சண்முகம் நடத்தும் எம்.ஜி.ஆர். பொறியியல் கல்லூரியை இடித்துத் தள்ளினார்கள். நூலகம், மாணவர் விடுதி, மருத்துவக் கல்லூரி வளாகங்கள் புல்டோசப்பட்டது. அறுபது கோடிக்கு மதிப்பிடப்படும் கட்டிடங்கள், ‘அண்ணாமலை‘ ரஜினியின் வீட்டை இடிப்பது போல் சர்வமும் நாசமாக்கப்பட்டது.

போன வாரம் பெய்த மழையில் கூவம் நதி பிரவாகமெடுத்து ஓடியதற்கு காரணமாக பலவற்றை முன்வைக்கிறார்கள்:

சும்மா ‘நச்’னு இருக்கு: சுக்கலோ சந்துருடு குறித்த தமிழ் முரசு செய்தி

‘சுக்கலோ சந்துருடு’/சிவகுமார் குறித்த முந்தைய பதிவு :: (மீண்டும்) இயக்குநராகும் தோழன்

தமிழ்முரசு | Tamilcinema | தமிழ்ப்பதிவுகள்