போஸ்

ஸ்ரீகாந்த், ஸ்னேஹா

இசை: யுவன் ஷங்கர் ராஜா

இயக்குநர்: ‘தயா’ செந்தில் குமார்

1. நிஜமா நிஜமா – 3.5/4 – கேகே, ஷ்ரேயா கோஸல் – நா முத்துகுமார்

ரொம்ப பிடிச்சிருக்கு. அப்பா ‘பெரிய’ ராஜாவின் ஸ்டைலாகவும் இல்லாமல், அதிரடி வேகமாகவும் அதிராமல், பாடல் முழுக்க மேற்கோள் சொல்லக்கூடிய வரிகள், ரிகர்ஸிவ் ரிபீட் செய்யவைக்கிறது.

2. என்ன என்ன ஆச்சு – 1/4 – தேவன், மாதங்கி – பா விஜய்

முதலில் காதல் தேசத்தின் ‘ஹலோ டாக்டர்’. அடுத்து இந்தப் பாடல்… டாக்டர் என்று வந்தாலே, அந்தப் பாடல் எனக்கு அதிகம் ரசிக்காமல் போகிறதோ என்று பயமாக இருக்கிறது. (வசூல் ராஜாவை விட்டுவிடலாம்)

3. வைத்த கண் – 3.25/4 – மது பாலகிருஷ்ணன், ஸ்ரீவர்த்தினி – பா விஜய்

நியுவின் ‘சர்க்கரை இனிக்கிற சர்க்கரை’ மாதிரி இருக்கிறது என்று சிலர் சொல்லலாம். ஆனால், அதை விட ஆர்வமான ஆரம்பம் + பெட்டர் ப்ரெஸெண்டேஷன். ஆண் குரலுக்கு மீண்டும் ‘நிஜமா நிஜமா’ கேகே –> ஸ்ரீகாந்த் ஆகியிருக்கலாம். பா விஜய்-க்கு யாராவது ஆக்ஸிஜன் கொடுப்பது அவசியம். ரீங்காரமிடும் இசை, கனவுலக ஆடைகள் என்று மின்னப்போவதில், பாடல் வரிகள் மட்டும் இளிக்கிறது.

4. டோலி டோலி – 2.5/4 – ஷாலினி சிங் – தாமரை

மாதவனுக்கு ‘டோல் டோல்’; ‘டோலி டோலி’ ஸ்னேஹா அறிமுகப் பாடலாக இருக்கும்.

5. பொம்மலாட்டம் – 2.75/4 – கார்த்திக், சித்ரா சிவராமன் – பா விஜய்

ஏட்டிக்கு போட்டி டப்பாங்குத்து டூயட் இல்லாத காஸெட்டா? ஆனால், பிசாசு, ராட்சஸி எல்லாம இல்லமல் ஸ்னேஹாவின் சுங்கிடிச் சேலையும், ஸ்ரீகாந்த்தின் தார்ப்பாய்ச்சி வேஷ்டியும் செய்யும் சில்மிஷடத்துடன் கவரும்.

நன்றி: RAAGA – Bose – Tamil Movie Songs