Category Archives: Uncategorized

பொதுவாக சன் டிவி தவிர மற்ற எந்த தமிழ் தொலைக்காட்சிக்கும் பேட்டி அளிக்காத திமுக தலைவர் திரு.கருணாநிதி – இப்போது ராஜ் டிவியின் தேர்தல் 2006 சிறப்பு நிகழ்ச்சிக்கு பேட்டி அளித்துள்ளார்.

‘வணக்க்க்க்க்க்க்கம்’ புகழ் நிர்மலா பெரியசாமி செய்யும் நேர்காணல் இது. நேற்று முதல் பாதி ஒளிபரப்பானது. இன்று அடுத்த பகுதி ஒளிபரப்பாகும் என அறிவித்தார். நிர்மலா கேட்கும் கேள்விகள் தவிர பொதுமக்கள் கேட்கும் கேள்விகளுக்கும் (ஈ மெயில்?) பேட்டி அளிப்பவர் பதில் சொல்லுமாறும் நிகழ்ச்சி அமைக்கப்பட்டுள்ளது.

நேற்றைய நிகழ்ச்சியில் கருணாநிதி அவர்கள் பல கேள்விகளுக்கும் தனக்கே உரிய சாதுரியத்துடன் பதில் சொன்னார். நிர்மலாவும் அவரின் டிரேட்மார்க் புன்னகையுடன் கேள்விக் கணைகளை தொடுத்தார். கடைசியில் ‘வணக்க்க்க்க்க்கம்’மும் உண்டு.

பார்க்கத்தவறாதீர்கள். இன்று 5-ஏப்ரல் இரவு 8 மணிக்கு. ராஜ் டிவி.

மேலதிக விபரங்கள் இட்லி வடை பதிவுலயும் இருக்கு.

oOo—oOo—oOo—oOo—oOo—oOo—

நேற்று முன் தினம் கம்யூனிஸ்ட் (சிபிஐ) தலைவர் தா.பாண்டியனின் பேட்டி. அவரும் நன்றாகவே பேசினார். அதிமுக அரசை மிகவும் தாக்கி பேசவில்லை. திமுகவின் கலர்டிவி வாக்குறுதிகளை மிகவும் வரிந்து கட்டி ஆதரிக்கவும் இல்லை. ஆனால் நல்ல தமிழில் பேசினார். உலகுக்கே இந்தியாவின் பொதுவுடைமை வழிகாட்டும் என பாரதியை மேற்கோள் காட்டி கம்யூனிசம் வாழும் என்று தான் நம்புவதாகவும் சொன்னார்.

oOo—oOo—oOo—oOo—oOo—oOo—

முன்பெல்லாம் தூர்தர்ஷனில் தான் 15 நிமிடம் ஒவ்வொரு கட்சிக்கும் நேரம் ஒதுக்கி கட்சித் தலைவர்கள் உணர்ச்சியே இல்லாமல் பேசும்படி ஒளிபரப்புவார்கள். சன் டிவியும் ஜெயாவும் இன்னும் தேர்தல் சம்பந்தப்பட்ட சிறப்பு நிகழ்ச்சிகள் ஆரம்பிக்காத நிலையில் (அதான் செய்தியிலேயே எல்லாத்தையும் காண்பிக்காறங்களே என நீங்கள் அங்கலாய்ப்பது காதில் விழுகிறது) ராஜ் டிவி முந்திக்கொண்டுள்ளது. யாரின் தயாரிப்பில் இது என தெரியவில்லை. ராஜ்டிவி செய்திகள் எல்லாம் ஆரம்பித்ததைப் பார்த்தால் ஏதோ ஒரு பெரிய கை இருக்கும் போல தெரிகிறது. ஆனால் ஒளிபரப்பு துல்லியம் இல்லை. அதே கலங்கலான ஒளிபரப்புதான்.

oOo—oOo—oOo—oOo—oOo—oOo—

நன்றி: தமிழ் முரசு

எல்லோரும் புதுசு புதுசாய் வலைச்சொல்லகராதி போட்டுத் தாக்குகிறார்கள். ப்ளாகஸம், ப்லோகாயதம்… மலேரியா போல் வலேரியா பிடித்தவர்களுக்கு இந்தப் பதிவு சமர்ப்பணம்.

1. பிடித்த மேற்கோள்: ராபர்ட் ஃப்ராஸ்ட்

“அட… ஆமா! நீ என்ன சொல்ல வரேன்னு விளங்குதே” என்று மக்களை சொல்லவைப்பது இலக்கியத்தில் நமது தொழிலாகும். அவர்களுக்குத் தெரியாததை சொல்வதோ, அல்லது தெரிந்தும் நினக்க மறுப்பதை கூறுவதோ அல்ல. நாம் சொல்ல வருவதுடன் அவர்கள் அடையாளம் காணவேண்டும். (நன்றி: கவிதை : பகுதி 7 – உணர்வு ஊக்கம் கொடுத்த கருத்து : ‘நான் எழுதலாம் என்று..‘)

(A word about recognition: In literature it is our business to give people the thing that will make them say, “Oh yes I know what you mean.” It is never to tell them something they dont know, but something they know and hadnt thought of saying. It must be something they recognize.)

2. சமீபத்தில் கருத்தைக் கவர்ந்த புத்தகங்கள்

“நான் ஜெயித்துக் கொண்டே இருக்கிறேன்”: ஜெ.வை எதிர்க்கும் சீமான் சொல்கிறார்

நேற்று வரை டுட்டோரியல் மாணவர்கள் மட்டுமே அறிந்திருந்த அந்த தாடிக்காரர் மீது தமிழகத்தின் ஒட்டுமொத்த கவனமும் திரும்பி உள்ளது. ஆண்டிபட்டியில் முதல்வர் ஜெயலலிதாவை எதிர்த்துப் போட்டியிடும் சீமான்தான் அவர்.

பேச்சில் தன்னம்பிக்கை, பார்வையில் தெளிவு, முகத்தில் மலர்ச்சி. மொத்தத்தில் பலமிக்க ஜெயலலிதாவை எதிர்த்து நிற்கிறோமே என்ற பதற்றம் சிறிதும் இல்லாமல் மிக இயல்பாக இருக்கிறார். இன்னும் சொல்லப்போனால் அவரது பேச்சில் மிகுந்த உற்சாகம் காணப்படுகிறது. தொலைபேசியில் தொடர்பு கொண்டால் அவர் பேசும் முதல் வார்த்தை “கலைஞர் வாழ்க” என்பதுதான்.

சீமானுக்கு சொந்த ஊர் கம்பம். எம்.ஏ. பட்டதாரி (பொலிடிக்கல் சையன்ஸ்). படித்து வேலை இல்லாமல் இருந்தபோது டுட்டோரியல் ஆரம்பிக்கலாம் என்று ஐடியா வந்தது. இதையடுத்து கம்பம், பாளையம், சின்னமனூர், தேவராம் ஆகிய இடங்களில் டுட்டோரியல் ஆம்பித்தார். தறபோது கம்பத்திலும் சென்னையிலும் மட்டுமே நடத்தி வருகிறார்.

இவருடைய டுட்டோரியலில் டியூசன் சேர்ந்து தேர்வு எழுதிய யாரும் பெயில் ஆனது இல்லை என்பது இவரது முயற்சிகளுக்குக் கிடைத்திருக்கும் சிறப்பு. டியூசனில் தொடர்ந்து வெற்றியையை மட்டுமே பார்த்து வரும் இவர், ஆண்டிபட்டி தேர்தலிலும் வெற்றி தான் கிடைக்கும் என்று நம்புகிறார்.

டுட்டோரியல் தவிர, வேளாண் பொருள்கள் ஏற்றுமதியும் செய்கிறார். பெண்கள் விடுதி ஐந்தும் நடத்தி வருகிறார்.

50 வயதானாலும் மிகவும் இளமையாகத் தெரிகிறார். 25 ஆண்டுகளாக திமுக உறுப்பினர். கஜினி முகமது போல இதற்கு முன் 12 முறை டிக்கெட் கேட்டு 13-வது முறையாக டிக்கெட் கிடைத்தது. அதுவும் மிக மிக விஐபி தொகுதியான ஆண்டிபட்டி கிடைத்துள்ளது.

தி.நகர் அல்லது கம்பத்துக்குத்தான் டிக்கெட் கேட்டிருந்தேன். தலைவர் ஆண்டிபட்டி கொடுத்தார். மகிழ்ச்சியோடு சரி என்றேன்.

ஜெயலலிதாவை எதிர்த்து நிற்கிறீர்கள். வெற்றி பெறுவோம் என்ற நம்பிக்கை உள்ளதா? என்று கேட்டபோது,

“என்ன சார் அப்படி கேட்கிறீர்கள். நான் ஜெயித்துக் கொண்டே இருக்கிறேன். ஜெயலலிதா தோற்றுக் கொண்டே இருக்கிறார்” இந்த வார்த்தைகள் அவரது உள்மனதில் இருந்தது வந்ததை உணர முடிந்தது. ஒவ்வொரு வாக்குச்சாவடி வாரியாக நாங்கள் கணக்கெடுத்து வருகிறோம். அதிமுகவுக்கு எத்தனை ஓட்டு, திமுகவுக்கு எத்தனை ஓட்டு, கட்சிகளை மீறி எனது சொந்தக்காரர்கள் எத்தனை பேர் என்று கணக்கெடுத்துவிட்டோம். அந்த நம்பிக்கையில்தான் சொல்கிறேன். நான் ஜெயித்துக்கொண்டே இருக்கிறேன் என்றார் சீமான்.

அது என்ன சொந்தக்காரர்கள் கணக்கு? என்று வியப்புக் காட்டியபோது, ஆமாம் ஆண்டிபட்டியில் என் சொந்தக்காரர்கள் மட்டும் 25 ஆயிரத்துக்கும் மேல் உள்ளார்.

மாமன், மச்சான் என 30 நாள்களுக்கும் 30 சொந்தக்காரர்கள் வீட்டில் தங்கப் போகிறேன். அதோடு மாணவர்கள் ஏராளமானோர் அத் தொகுதியில் உள்ளனர் என்றார் அவர்.

மனைவி ஜெயந்தி சீமான். 3 மகன்கள். முதல் மகன் மதன் பிடெக் படித்து தொழில்புரிகிறார். இரண்டாவது மகன் பாரத் அண்ணா பல்கலைக்கழகத்தில் எம்.டெக். படிக்கிறார். மூன்றாவது மகன் ஸ்ரீசி இப்போதுதான் முதல் வகுப்பு முடித்துள்ளார்.

– எஸ். ராமசாமி

தமிழ் முரசு:

தமிழ் முரசு:

சிவாஜியே ஆனாலும்… – மின்னஞ்சலில் நண்பர் ரகு

சூப்பர் ஸ்டார் நடித்து, ஷங்கர் இயக்கினாலும் சரியான எடிட்டிங் இல்லையென்றால் படம் பப்படம்தான். அதே போல் எவ்வளவு பெரிய எழுத்தாளராக இருந்தாலும், எழுதியது அழியா காவியமாக இருந்தாலும் சரியான ப்ரூஃ ரீடங் இல்லையெனில்….

இந்த பிரச்சனை தமிழுக்கு மட்டுமல்ல, ஆங்கிலத்திலும் உண்டு. ஆங்கிலத்தில் மின் புத்தகங்கள் வளரும் வேகத்தில் இணையத்திலேயே ப்ரூஃ ரீடிங் கற்றுக் கொடுக்கிறார்கள்.

Proof Reading Course

இது போல் ஒரு சேவையை/வியாபார உக்தியை தமிழில் செய்தால் மிகவும் சிறப்பாக இருக்கும். அச்சில் உள்ளது போல் இணையத்திலும் தமிழ் சிறப்பாய் வளர இது உதவும். வெளிநாட்டில் வளரும் அடுத்த தலைமுறையினருக்கு இது பெரும் உதவியாக இருக்கும்.

இணையத்தில் தமிழ் கற்றுக் கொள்ள ஒரு தளம் பார்த்த ஞாபகம்.. யாருக்காவது பல்ப் எரிகிறதா?

தமிழ் நுட்பம் | தமிழ்ப்பதிவுகள்

வரி 1:
இந்த மாத கில்லியில் வெளியான விருந்தினர் பார்வை: ப்லோகாயதம். (ஸ்ரீகாந்த் மீனாக்ஷிக்கு நன்றி.)

விளம்பரம் 2:
சென்ற வார திண்ணையில் வெளியான என்னுடைய சிறுகதை: வரி விளம்பரம். (திண்ணைக்கு நன்றி.)

#3:
ஏப்ரல் மாத ‘தேர்தல் சிறப்பிதழ்’ திசைகளில்: தமிழகத் தேர்தல் குறித்த அலசல் – கூட்டாஞ்சோறு ஆட்சி. (திசைகளுக்கு நன்றி. என்னுடைய தட்டச்சுப் பிழை ஒன்று கருத்தையே மாற்றியிருக்கிறது. சரி செய்து, வலைப்பதிவில் மீள்பதிவு செய்கிறேன்.)

Tamil web | தமிழ்ப்பதிவுகள்

நன்றி: தமிழ் முரசு

நன்றி: தமிழ் முரசு